JUECES 4:9 - Dios Rimashcata Quillcashcami

⁹ Shina nicpimi Deboraca: —Ari, ñucaca rishami. Can rishpa macanacuita atishpapish mana canchu alli nishca cangui, ashtahuanpish Mandac Diosca shuc huarmipac maquipi churashpami Sisarataca tucuchinga— nirca. Shina nishpaca, Deboraca Barac-huanmi Cedesman rirca.

JUECES 4:9 Iomraidhean Croise

2 CRÓNICAS 26:18

Paicunami jatun mandac Uziasta piñarishpaca: «¡Uzías, Mandac Diosman inciensota rupachinaca mana cambac ruhuanachu! Ashtahuanpish Aaronpac huahua huahua curacunallami chaita rupachingapac chicanyachishca cashcamanta chaita ruhuai pudincuna. Diospaclla ucumanta llucshi. ¿Ima nishpatac chashna mana allita ruhuashpa, Mandac Diosta llaquichingapac shamurcanguiyari? Chashna ruhuashcamantaca Mandac Diospacca mana allichu cangui» nircacuna.

JUECES 2:14

Chaimantami Mandac Diosca nina japiric shina piñarishpa israelcunataca imatapish shuhuashpa puriccunapac maquipi churarca. Shinallatac chai muyundipi causac paicunata piñac gentecunapac maquipi churacpimi, israelcunaca paicunataca mana ati pudirca.

JUECES 4:8

Chaipimi Baracca: —Can ñucahuan risha nicpica, rishami, can mana risha nicpica, ñucapish mana rishachu— nirca.

JUECES 9:53

Ashtahuanpish shuc huarmimi jahuamanta cutana rumita Abimelecpac umapi shitashpa, umata paquirca.

JUECES 9:54

Chaimantami Abimelecca paipac escudota apac soldadota utca cayashpaca: «Ñucataca: “Shuc huarmillami huañuchirca” ama nichuncuna, cambac espadata llucchi ñucata huañuchi» nirca. Shina nicpimi, escudota apac soldado huashaman pasacta espadata saticpi paica huañurca.

1 SAMUEL 2:30

Chaimantami israelcunata Mandac Diosca: “Cambac huasi ucupurapish, cambac taitacunapac huasi ucupurapish huiñaitami ñuca ñaupapi causangacuna” ninmi. Ashtahuanpish Mandac Diosca: “¡Manatac chashna cachun saquishachu! Ñucata alli niccunataca alli nishami, ñucata mana alli niccunataca mana alli nishachu.