JUECES 4:6 - Dios Rimashcata Quillcashcami

⁶ Débora Neftalí aillucunapac Cedes pueblopi causac Abinoampac churi Baracta cayac cachashpaca: —Israelcunata Mandac Diosca: “Neftalipac, Zabulonpac aillucunamanta chunga huaranga macanacuc runacunata Tabor urcupi tandachi.

JUECES 4:6 Iomraidhean Croise

SALMOS 7:6

¡Ñucata Mandac Dioslla, piñarishpa jatariyari! Ñucata piñaccuna llaquichicpi ñucamanta shayariyari. Canca cashcata ruhuasha nishpami mandarcangui. ¡Chaimanta ñucata misaiyari!

SALMOS 89:12

Jahuaman tiyaccunatapish, uraman tiyaccunatapish canmi ruhuarcangui. Tabor urcupish, Hermón urcupish cambac shutitami cantangacuna.

SALMOS 89:13

Cambac maquica tucuita ruhuac, sinchi maquimi. Cambac alli lado maquica alli nishcami.

JEREMÍAS 46:18

Ñucaca causacuc Jatun Mandacmi cani. Ñuca shutica tucuita Mandac Diosmi. Soldadocunaca tucui urcucunamanta yalli Tabor urcuta, mama cucha ladopi tiyac Carmelo urcuta yalli jatunmi chayamunga.

OSEAS 5:1

Mandac Diosca: «Curacunalla, israelcunalla, jatun mandacpac huasipi mandashpa tiyaccunalla, caita uyaichicyari. Cancunaca Mizpa llactapica urmachic tuclla shina, cutin Tabor urcupica tuclla shinami carcanguichic. Cancunatami taripashpa llaquichisha.

HECHOS 13:47

Mandac Diosca ñucanchicta mandashpaca: “Mana israelcunaman luz shina achicyachichunmi churarcani. Tucui cai pachapi causaccunapish can huillashcamanta quishpirichunmi, churarcani” nishcami— nircacuna.

HEBREOS 11:32

Ashtahuanca, ¿imatatac nisha? Gedeonmantapish, Baracmantapish, Sansonmantapish, Jeftemantapish, Davidmantapish, Samuelmantapish, Dios ima nishcata huillaccunamantapish mana tucui parlai pudinichu.

JOSUÉ 1:9

Riqui cantaca sinchi, cari cari cai nishpami mandani. Ama manchaichu, ama shaicuichu. Canta Mandac Dios ñucaca can maita ricpipish, canhuanmi casha» nirca.

JOSUÉ 19:22

Chai llactaca Tabor, Sahazima shinallatac Bet-semes pueblocunata pasashpami Jordán yacucaman carca. Tucuica chunga sucta pueblocunami, muyundi uchilla llactacunandi carca.

JOSUÉ 19:32

Allpata cungapac suctaniqui suerteta ruhuacpica, Neftalí aillumi paicuna mashna cashca shinallatac allpata japirca.

JOSUÉ 19:35

Muyundita pircashca pueblocunaca: Sidim, Zer, Hamat, Racat, Cineret,

JOSUÉ 19:37

Cedes, Edrei, En-hazor,

JOSUÉ 21:32

Neftalí aillupac llactamantaca Galilea llactapi cac Cedes pueblota, Hamot-dor pueblota, Cartán pueblotami michina pambacunandi curca. Tucuica quimsa pueblocunatami curca. Shinallatac huañuchishpa miticuna pueblotapish curcami.

JUECES 4:10

Shina rishpami Baracca Zabulonpac aillumantapish, Neftalipac aillumantapish chunga huaranga macanacuc runacunata Cedespi tandachirca. Deborapish paihuanmi rirca.

JUECES 5:1

Chai punzhami Deboraca Abinoampac churi Barac-huan cantashpaca:

JUECES 6:35

Shinallatac Manasés aillucunaman huillachun cachacpica, paicunapish shamurcami. Shinallatac Aser, Zabulón, Neftalí aillucunaman huillachun cachacpica, paicunapish tupangapac shamurcami.

JUECES 8:18

Chai quipaca Zebatapish, Zalmunatapish tapushpaca: —¿Cancuna Tabor urcupi, huañuchishca runacunaca, imalayatac carca?— nirca. Shina tapucpi paicunaca: —Paicunaca can shinami carca. Shinallatac tucui paicunami jatun mandacpac churicuna shina carca— nirca.

1 SAMUEL 10:3

Chaimanta ashtahuan rishpaca, Tabor pambapi shayacuc encina yura ladopimi Bet-el pueblopi Diosta mañangapac huichai ricuc quimsa runacuna tupanga. Paicunaca shucca quimsa chivota, shucca quimsa mishqui tandata, shucca shuc shila vinota apashpami ricungacuna.

1 SAMUEL 12:11

Chaimantami Mandac Diosca cancunapac muyundipi causac cancunata piñaccunapac maquimanta quishpichichun Jerobaalta, Baracta, Jefteta shinallatac Samuelta cacharca. Chaimantami ima llaquipish mana japicpi, sumacta causarcanguichic.