JUECES 4:19 - Dios Rimashcata Quillcashcami

¹⁹ Shina ruhuacpimi paica: —Yacunayaihuanmi cani, asha yacuta carai— nirca. Shina nicpimi, cara capachuta pascashpa ashata ubiachishpa, cutinllatac catachirca.

JUECES 4:19 Iomraidhean Croise

GÉNESIS 24:43

Cunanca, cai yacu jundu cuchupimi cani. Maijan soltera cashpapish cai yacu jundumanta yacuta apangapac shamucpica: Cambac puñumanta asha yacuta ubiangapac convidai” nishami.

1 REYES 17:10

Shina nicpimi, paica jatarishpa, Sarepta puebloman rirca. Chai pueblo punguman chayashpaca, shuc viuda huarmi yantata murucuctami ricurca. Elías chai viuda huarmita cayashpaca: —Ñuca ubiangapac asha yacuta vasopi convidai— nirca.

ISAÍAS 41:17

Huacchacunapish, imata mana chariccunapish yacuta mashcashpaca mana tarinchu. Shinami yacunayaihuan paicunapac calluca chaquishca. Ñucami paicuna mañashcata uyasha. Israelcunapac Dios ñucaca, manatac saquishachu.

SAN JUAN 4:7

Chaimanmi Samaria llactamanta huarmi yacuta apangapac chayarca. Chaipimi Jesusca: —Ashalla yacuta carai— nirca.

JUECES 4:18

Shina chayacpimi, Heberpac huarmi Jael tupangapac llucshishpaca: —Amito, caita yaicumui, ñucapacman cuchuyai, ama manchaichu— nirca. Chashna Sisarata yaicuchishpami catachishpa samachirca.

JUECES 4:20

Sisaraca: —Canca, cai carpa huasi pungullapi shuyai. Maijan shamushpa: “¿Maijan cai ucupichu?” nicpica: “Pi mana caipichu” ningui— nirca.

JUECES 5:24

Ceneopuramanta Heberpac huarmi Jaelpish tucui huarmicunamanta yalli alli nishca cachun. Carpa huasipi causac huarmipish, tucui huarmicunamanta yalli alli nishca cachun.