JUECES 4:15 - Dios Rimashcata Quillcashcami

¹⁵ Chaipica Mandac Diosmi Baracpac ñaupapi Sisarataca carretacunandi, paipac macanacuc runacunandi espadahuan chugrichishpa tucuchirca. Chaipimi Sisaraca carretamanta uricushpa chaquillahuan miticushpa callparca.

JUECES 4:15 Iomraidhean Croise

2 REYES 7:6

Mandac Diosca siriocunapac carpacuna shayachishca pambapica macanacuna carretacuna, caballocuna, shinallatac achca soldadocuna bullashpa uyarishca cachunmi ruhuashca carca. Chaita uyashpami, paicunaca caishuc chaishuc parlanacushpaca: «Israel llactata mandacmi ñucanchicta llaquichichun heteocunata, Egipto runacunata jatun mandaccunata cayashca canga» nircacuna.

DEUTERONOMIO 7:23

Mandac Diosmi paicunataca cancunapac maquipi churanga. Chashna ruhuashpami, tucuita tucuchingacaman jatun llaquicunata churashpa catinga.

HEBREOS 11:32

Ashtahuanca, ¿imatatac nisha? Gedeonmantapish, Baracmantapish, Sansonmantapish, Jeftemantapish, Davidmantapish, Samuelmantapish, Dios ima nishcata huillaccunamantapish mana tucui parlai pudinichu.

JOSUÉ 10:10

Chaipimi Mandac Diosca amorreocunamanca israelcunata yallita manchana yuyaita curca. Chaimantami israelcunaca Gabaón pueblopica chugrichishpa, achcata huañuchirca. Bet-horón puebloman rina ñanta callpacpipish Azeca, Maqueda pueblocamanmi cati rishpa huañuchirca.

1 SAMUEL 7:10

Mandac Diosman cushca ovejata Samuel tucui rupachicucpimi, filisteocunaca israelcunahuan macanacungapac chayarca. Ashtahuanpish Mandac Diosca sinchita tulun nichishpami filisteocunataca manchachishpa muspachirca. Chashna ruhuacpimi, israelcunaca filisteocunata atirca.