JUECES 4:13 - Dios Rimashcata Quillcashcami

¹³ Chaimantami Sisaraca paipac iscun patsac fierro carretacunata, tucui paihuan cac gentecunatapish Haroset-goim pueblomanta Cisón yacucaman tandachirca.

JUECES 4:13 Iomraidhean Croise

1 REYES 18:40

Chaimantami Eliasca: «¡Baal diosmanta huillaccunata shucllapish ama miticuchun, tucui japichi!» nirca. Shina nicpimi, tucui japircacuna. Shina japicpica, Cisón huaicuman apashpami, chai huillaccunataca cungata pitishpa huañuchirca.

JOSUÉ 17:16

Shina nicpimi, Josepac churicunaca: —Chai urcu allpaca ñucanchicmanca mana pactangachu. Chaipac jahuapica, chai pambapi causac cananeocunapish, Bet-seán pueblopi causaccunapish, chai muyundi uchilla llactacunapi causaccunapish, Jezreel pambapi causaccunapish fierromanta ruhuashca carretacunatami charincuna— nirca.

JUECES 1:19

Judá aillucunaca Mandac Dios paicunahuan cacpimi, urcucunapi causaccunata llucchishpa cacharca. Ashtahuanpish pugru pambapi causac gentecunaca fierro carretacunatami charirca. Chaimantami paicunataca mana llucchishpa cachai pudirca.

JUECES 4:12

Sisaraca Habinoampac churi Barac Tabor urcuman rishcatami yacharca.

JUECES 4:7

Ñucaca Cisón huaicumanmi Jabinpac macanacuc runacunata, mandac Sisarata carretacunandi apamushpa, cancunapac maquipi churasha” ninmi— nirca.

JUECES 5:19

Canaán llactata jatun mandaccunaca Miguido yacu ladopi tiyac Taanac pueblopimi macanacungapac shamurca. Shina macanacushpa atishpapish ima cullquita mana aparcachu.