JUECES 3:6 - Dios Rimashcata Quillcashcami

⁶ Chashna causashpami, israelcunaca paicunapac ushicunahuan cazararca. Shinallatac israelcunapac ushicunapish chai gentecunahuan cazarashpa, paicunapac diosta adorarcacuna.

JUECES 3:6 Iomraidhean Croise

SALMOS 106:35

Chaipac randica chai gentecunahuan tandarishpami mana allita ruhuanata yachacurcacuna.

ÉXODO 34:15

Chai allpapi causaccunahuanca imata yuyarinacungapac ama ari ninacunguichu. Chai shina ruhuacpica, yangalla dioscunata mañangapacmi allimanta aisashpa catinga. Chai dioscunaman cushpa, huañuchishca animal aichata micungapac cayacpi, chaita can micushpaca, chai dioscunahuan huainayashca shinami tucungui.

ÉXODO 34:16

Cambac churicunahuan paicunapac ushicunata cazarachishpa, paicunapac dioscunata adorana yuyaita cushpa urmachingacunami. Shina tucushpaca, chai dioscunahuan huainayashca shinami tucunga.

EZEQUIEL 16:3

“Mandac Diosca Jerusalentaca: Can huacharishcapish, can causanapish Canaán llactami. Cambac taitaca amorreopuramantami carca. Cutin cambac mamaca heteopuramantami carca.

JOSUÉ 23:12

Diosmanta anchurishpa, chai saquirishca cancunapac chaupipi causac gentecunahuan tandanacushpa, chai huarmicunahuan cazarashpa, paicunahuan familia tucucpica,