JUECES 3:2 - Dios Rimashcata Quillcashcami

² Manarac macanacuita yachac israelcuna yachacuchun, shinallatac huahua huahuacunaman macanacunata yachachichunmi saquirca.

JUECES 3:2 Iomraidhean Croise

GÉNESIS 2:17

Ashtahuanpish alli cashcata, mana alli cashcata yachachic yuramantaca ama micunguichu. Ima punzhami chai yuramanta micungui huañunguitacmi» nirca.

GÉNESIS 3:5

ima punzhami chai yuramanta micunguichic, chai punzhami ñahui pascaricpi, Dios shina tucunguichic, shinallatac allitapish, mana allitapish yachanguichicmi. Chaitaca Diosca yachanmi— nirca.

GÉNESIS 3:7

Shina micucpimi, ñahuica ishcaipacta pascarirca. Chaimantami lluchulla cashcata ricushpa, higo pangata sirashpa, jarcarinata ruhuarca.

2 CRÓNICAS 12:8

Shina cashpapish, cunanca paita serviccunami tucunguichic. Ñucata servishpa causanapish, llactacunata jatun mandaccunata servishpa causanapish ima shina cashcata yachachunmi, chashnaca ruhuagrini» nirca.

SAN JUAN 16:33

Tucui caicunataca ñucahuan yallita cushicuita charichunmi nini. Cai pachapica llaquita apanguichicmi. Shina cacpipish, cai pacha mana allicunata ñuca atishcamanta ñucata crichic— nirca.

1 TIMOTEO 6:12

Huiñai causaita japingapacca, macanacuipi mishac shina crishca yuyaihuan alli catingui. Cantaca achcacunapac ñaupapi “tucui shunguhuan crinimi” nicpimi, chai causaita japichun Diosca acllashca.

2 TIMOTEO 2:3

Canca Jesucristopac alli soldado shina, llaquicunataca apanguilla.

2 TIMOTEO 4:7

Ñucaca Jesusta crinata mana saquishpami, macanacuipi alli macanacushpa mishac shina chai chayana cashcaman ña chayashcani.

JUECES 3:1

Macanacunata manarac yachac Canaanpi causac israelcuna Diosta yuyaricta, mana yuyaricta ricungapac Mandac Diosca saquishca llactacunaca caicunami:

JUECES 3:3

Chai llactacunaca caicunami: Filisteocunamantaca pichca pushaccuna, tucui cananeocuna, Líbano urcu llactapi causac sidoniocunapish, heveocunapish cancuna. Paicunapac llactaca Baal-hermón urcumantaca Hamat pueblocamanmi carca.