JUECES 3:11 - Dios Rimashcata Quillcashcami

¹¹ Chashnami chai llactapi causaccunaca chuscu chunga huatata cushilla causarca. Quipataca Cenazpac churi Otonielca huañurcami.

JUECES 3:11 Iomraidhean Croise

1 CRÓNICAS 4:13

Cenazpac churicunaca: Otoniel, Seraiasmi carca. Otonielpac churicunaca: Hatat,

NEHEMÍAS 9:28

Ashtahuanpish ña alli causacushpaca, cutinmi cambac ñaupapi mana allita ruhuarcacuna. Chaimantami piñaccunapac maquipi churarcangui. Chashna churacpimi, paicunaca llaquichishpa, mandashpa charirca. Paicunaca cutinmi canta mañarcacuna. Jahua pachamantami uyarcangui, can llaquic cashcamantaca, cutinmi cacharichircangui.

ESTER 9:22

Chai punzhacunapimi Judá gentecunaca paicunata piñaccunamanta quishpirishpa samarirca. Chai quillapimi llaquilla caccunaca cushilla tucurca. Huacaihuan caccunaca cushicushpa fiestata ruhuarca. Chai punzhata yuyarishpa jatun micuita ruhuashpa cushicuchun, ladollapi causaccunaman, imata mana chariccunaman ima charishcacunata caranacuchunmi mandashpa cacharca.

JOSUÉ 11:23

Mandac Dios Moisesta mandashca shinallatacmi Josueca tucui chai llactata japirca. Chai llactacunataca Israel aillucuna mashna aillu cashca shinallatacmi, chaupishpa curca. Shinami chai llactaca ña mana macanacui tiyacpi samarirca.

JOSUÉ 15:17

Chai llactataca Cenazpac churi Calebpac sobrino Otonielmi japirca. Chaimantami Calebca paipac ushi Acsata Otonielman curca.

JUECES 3:10

Otonielca Mandac Diospac Espíritu japicpimi, israelcunapac juez tucushpa macanacungapac llucshirca. Mandac Diosca Siria llactata jatun mandac Cusan-risataimta paipac maquipi churacpimi, Cusan-risataimtaca atirca.

JUECES 3:12

Israelcunaca cutinllatacmi Mandac Diospac ñaupapi mana allita ruhuai callarirca. Chaimantami Mandac Diosca israelcunata llaquichichun Moab llactata mandac Eglonta sinchiyachirca.

JUECES 3:30

Chai punzhapica moabitacunaca israelcunapac maquipimi yaicurca. Chai quipaca pusac chunga huatatami cushilla chai llactapica causarca.

JUECES 3:9

Israelcuna chashna llaquita apashpa Mandac Diosta caparishpa mañacpimi, Mandac Diosca chai llaquimanta llucchirca. Chai llaquimanta llucchicca Cenazpac churi Calebpac quipa huauqui Otonielmi carca.

JUECES 5:31

Mandac Dioslla, tucui canta piñaccuna chashna chingarishpa tucurichun. Shinallatac cuyaccunaca inti llucshishpa tucuita achicyachic shina cachun” nishpami cantarca. Chaimanta quipamanca chuscu chunga huatatami israelcunaca cushilla causarca.

JUECES 8:28

Shinami madianitacunaca israelcunapac maquipi urmashpa mana ashtahuan jatarirca. Shina cacpimi chai llactapica chuscu chunga huatata Gedeón causacui punzhacunapi cushi causai tiyarca.