JUECES 21:4 - Dios Rimashcata Quillcashcami

⁴ Cayandi punzha israelcuna utca jatarishpami, shuc altarta ruhuashpa animalta Diosman cushpa tucui rupachircacuna. Shinallatac Dios-huan alli tucungapacpish animalcunata curcacunami.

JUECES 21:4 Iomraidhean Croise

2 SAMUEL 24:18

Chai punzhacunami Gadca Davidtaca: «Jebuseopuramanta Araunapac trillana eraman huichai rishpa, Mandac Diosman shuc altarta ruhuai» nirca.

2 SAMUEL 24:25

Chaipimi Davidca Mandac Diosman altarta ruhuashpa, paiman animalta cushpa, tucuita rupachishpa, Dios-huan alli tucungapacpish animalta curca. Chaipimi Mandac Diosca David mañashcata uyashpa, millai ungüitaca tucui Israel llactapi parachirca.

1 REYES 8:64

Jatun mandacca chai punzhallatacmi Mandac Diospac huasi ñaupapi tiyac chaupi pungu pambatapish Diospaclla cachun curca. Diosman cushpa tucui rupachina animalcunata, ofrendacunata, Dios-huan alli tucungapac cushca huirataca chai pungu pambapimi rupachirca. Mandac Diospac ñaupapi cac bronce altarca uchillami carca. Diosman cushpa tucui rupachina animalcunata, ashtahuan ima cushcacunata, Dios-huan alli tucungapac cushca huirata rupachingapacca mana pactarcachu.

OSEAS 5:15

Paicunallatac juchata ruhuashcata yuyarishpa, ñucapacman cutingacamanmi ñuca causacushcaman risha. Paicunaca llaquirishpami, ñucataca mashcangacuna» ninmi.

DEUTERONOMIO 12:5

Ashtahuanpish Mandac Dios, paipac shutita causachun churangapac acllashca pushtuman rishpa, chaipi paitaca alli nina canguichic.

HEBREOS 13:10

Ñucanchicca Diosman cushpa, rupachina shuc altartami charinchic. Chai altarmantaca, Dios-huan tupana huasipi servic curacunaca mana micui pudinchu.

JUECES 20:26

Shina huañuchicpimi, israelcunapish, macanacuc runacunapish huichai rishpa, Mandac Diospac ñaupapi chishiyangacaman huacashpa, ayunashpa carca. Shinallatac Diosman cushpa tucui rupachishpa, Dios-huan alli tucungapac animaltapish curcacuna.

JUECES 21:3

—Israelcunata Mandac Dioslla, ñucanchic israelcunapurapica shuc aillu illanmi. ¿Ima nishpatac Israelpica chashna tucurcayari?— nircacuna.

JUECES 6:24

Chaimantami Gedeonca Mandac Diosman shuc altarta ruhuashpa: “Mandac Diosca cushicuimi” nishpa shutichirca. Chai altarca cunancamanmi abiezeritacunapac Ofra pambapi tiyan.

JUECES 6:26

Canta Mandac Diosman chai urcu rumi jahuapi altarta ruhuai. Chaimantaca quipa huagrata apamushpa Asera diosta yuyarina pitishca yura jahuapi churashpa tucui rupachi— nirca.

1 SAMUEL 7:17

Chai quipaca Ramá pueblopi cac paipac huasimanmi cutic carca. Paica chai pueblopipish tucui israelcunata mandashpami causarca. Chai pueblollapitacmi Mandac Diosman shuc altartapish ruhuarca.