JUECES 20:6 - Dios Rimashcata Quillcashcami

⁶ Chashna ruhuashpaca cai Israel llactapica jatun mancharina millaitami ruhuashca. Chaimantami chai huañushca huarmitaca pitinacushpa tucui Israel gentecuna yachachun chai llactaman cacharcani.

JUECES 20:6 Iomraidhean Croise

GÉNESIS 34:7

Jacobopac churicuna michina pambamanta cutishpa, paicunapac pani Dina ima tucushcata yachashpaca yallitami llaquirirca. Israelcunapurapica Siquem Dinata japirishpa llaquichishcaca jatun pingaimi carca. Pipish mana ruhuashcatami ruhuashca carca. Chaimantami Jacobopac churicunaca yallita piñarirca.

LEVÍTICO 18:24

Caicunata ruhuashpa, imapipish ama mapayanguichu. Cancunapac ñaupamanta llucchishpa cachashca gentecunaca caicunata ruhuashpami, llactata mapayachirca.

LEVÍTICO 18:30

Cancunaca ñuca nishcata yuyarirashpa pactachinguichic. Pacta cancuna manarac cai llactaman shamucpi, causaccuna shina millaita ruhuashpa mapayanguichicman. Ñucami cancunata Mandac Diosca cani” ninmi ningui» nirca.

JOSUÉ 7:15

Maijan cancunapurapi Dios tucuchingapac chicanyachishca tariricpica, paica pai charishcacunandimi rupachishca canga. Paica Mandac Dios-huan ari nishcata mana cazushpa, israelcunapurapi mana allita ruhuashcamantami chashna rupachishca canga— nirca.

JUECES 19:22

Chashna cushilla cacpimi chai pueblopi causac millai runacuna chai huasita muyunacushpa pungupi huactashpa chai yuyac runataca: —¡Cambac huasipi pozashpa tiyaccunahuan chayarinacungapac canzhaman llucchi!— nirca.

JUECES 19:23

Chai yuyac runa ricungapac llucshishpaca: —¡Ñuca huauquicunalla, cai runacunaca ñuca huasipi pozangapacmi shamushca! ¡Paicunataca ama millai juchata ruhuaichicchu!

JUECES 19:29

Ña chai runa huasiman chayashpaca cuchillota japishpami, caishuc huarmitaca chunga ishcai pedazota ruhuarca. Chashna ruhuashpami tucui Israel llactaman cacharca.

JUECES 20:10

Tucui Israel aillumantaca patsacmantaca chungata, huarangamantaca patsacta, chunga huarangamantaca huaranga runacunata, micunata mashcachun cachashunchic. Cutin shuccunaca Gabaa pueblopi causac Benjamín aillucuna Israel llactapi jatun mancharina millaita ruhuashcamanta paicunatapish chashnallatac ruhuachuncuna— nirca.