JUECES 20:32 - Dios Rimashcata Quillcashcami

³² Shina huañuchishpami Benjamín aillucunaca: «¡Puntapi shinallatacmi atishpa manchachinchic!» nirca. Ashtahuanpish israelcunaca: «Benjamín aillucunata pueblomanta caruyachingapacmi ñancunaman manchashpa callpac tucushun» nishca carca.

JUECES 20:32 Iomraidhean Croise

JOSUÉ 8:5

Ñucapish, caipi cac tucui macanacuc runacunapish pueblo ñaupa ladotami yaicushun. Paicuna puntaman ima shina ñucanchic-huan macanacungapac llucshic shinallatac llucshicpica, paicunapac ñaupamantami callpashun.

JOSUÉ 8:6

Paicunaca ñucanchicta chai pueblomanta achcata caruyangacamanmi catingacuna. Paicunaca: “Puntapi shinallatacmi ñucanchicpac ñaupamanta callpancuna” nishpami catingacuna. Chashnami paicunapac ñaupamanta achcata rishun.

JUECES 20:31

Chaipimi Benjamín aillucunaca israelcunahuan macanacungapac tucui pueblomanta llucshirca. Chashnami israelcunataca utcapi huañuchishca shinallatac chai pambapi, ñancunapi quimsa chunga israelcunata huañuchirca. Chai ñancunaca shucca Gabaaman rina, cutin caishucca Bet-elman rina ñancunami carca.

JUECES 20:33

Ña caruyacpimi, israelcunaca jatarishpa Baal-tamar pueblopi macanacurca. Cutin Gabaa pueblo muyundipi miticushpa chapacuc runacunapish macanacungapac llucshircami.

JUECES 20:39

Chai pueblomanta israelcuna cutishpa callpac tucucpimi, Benjamín aillucunaca quimsa chunga shinata chugrichishpa huañuchirca. Shina huañuchishpami: «Punta macanacuipi shinallatacmi atishpa, ñucanchic ñaupapi huañuchinchic» nishpami yuyarca.