JUECES 20:31 - Dios Rimashcata Quillcashcami

³¹ Chaipimi Benjamín aillucunaca israelcunahuan macanacungapac tucui pueblomanta llucshirca. Chashnami israelcunataca utcapi huañuchishca shinallatac chai pambapi, ñancunapi quimsa chunga israelcunata huañuchirca. Chai ñancunaca shucca Gabaaman rina, cutin caishucca Bet-elman rina ñancunami carca.

JUECES 20:31 Iomraidhean Croise

ISAÍAS 10:29

Ashalla yacuta pasashpami Geba llactapi pacarirca. Ramá llactapi causaccunaca chucchurcami. Saulpac Gabaa llactamantapish miticushpami callparca.

JOSUÉ 7:5

Hai pueblopi causaccunaca israelcunataca quimsa chunga sucta runacunatami huañuchirca. Chashnami chai pueblo pungumanta Sebarím pambacaman catishpa, chai urai rina ñanpi macashpa atirca. Chaimantami israelcunaca chucchushpa, yallita mancharca.

JOSUÉ 8:17

Tucui Hai pueblopi, tucui Bet-el pueblopi causaccunami shucllapish mana saquirishpa, israelcunata catircacuna. Israelcunata catingaraicumi pueblo pungutapish pascashpa rircacuna.

JUECES 20:30

Quimsaniqui punzhami israelcunaca Benjamín aillucunahuan macanacungapac huichai rirca. Shina rishpami Gabaa pueblo chimbapurapi utcapi cashca pushtullapitac allichirirca.

JUECES 20:32

Shina huañuchishpami Benjamín aillucunaca: «¡Puntapi shinallatacmi atishpa manchachinchic!» nirca. Ashtahuanpish israelcunaca: «Benjamín aillucunata pueblomanta caruyachingapacmi ñancunaman manchashpa callpac tucushun» nishca carca.