JUECES 20:18 - Dios Rimashcata Quillcashcami

¹⁸ Chai quipaca, israelcuna jatarishpa, huichai rishpami Mandac Diostaca: —¿Ñucanchicpuramantaca maijan aillutac Benjamín aillucunahuan macanacungapac punta rigrin?— nishpa tapurca. Shina tapucpi Mandac Diosca: —Judá ailluracmi ringa— nirca.

JUECES 20:18 Iomraidhean Croise

JOEL 1:14

Tandanacuchun, ayunachun cayaichicyari. Pushac yuyaccunatapish, cai llactapi tucui causaccunatapish, cancunata Mandac Diospac huasiman tandachishpa, Mandac Diosta caparishpa mañaichicyari.

NÚMEROS 27:21

Josué imata ruhuangapacca Eleazar curapacmanmi ringa. Paimi Urim nishcahuan suerteta ruhuashpa, ñucaman tapunga. Josué israelcunata macanacungapac llucshichun nicpica llucshingacunami. Shinallatac cutichun nicpica, cutingacunami— nirca.

NÚMEROS 27:5

Chashna mañacpimi, Moisesca Mandac Diosta huillarca.

JOSUÉ 18:1

Tucui tandanacushca israelcuna chai llactacunata japishca quipaca, Silo pueblopimi tandanacushpa, Dios-huan tupana huasita shayachirca.

JOSUÉ 9:14

Israelcunaca chai runacuna apamushca micunata chasquircami. Ashtahuanpish Mandac Diosmanca mana tapurcachu.

JUECES 18:31

Chashnami paicuna alli ningapac Micaías ruhuashca diosta Diospaclla carpa huasi Silo pueblopi tiyashca punzhacunacaman chaipi charircacuna.

JUECES 19:18

Shina tapucpi paica: —Judá llacta Belén pueblomantami Efraín urcu llactaman ringapacmi caipi samaricunchic. Chai caru llactamantami ñucaca cani. Ñucaca Judá llacta Belén pueblomanmi rircani. Cunanca Mandac Diospac huasimanmi ricuni. Shinapish pi mana pozachisha ninchu.

JUECES 20:17

Benjamín aillumanta cac runacunata mana yupashpa israelcunallami chuscu patsac huaranga macanacunata alli yachac runacuna espadahuan carca.

JUECES 20:19

Israelcunaca tutamanta utca jatarishpami Gabaa pueblo ñaupapi carpata shayachishpa tiyarirca.

JUECES 20:23

Israelcunaca huichai rishpami Mandac Diospac ñaupapi tutayangacaman huacashpa Mandac Diostaca: —¿Ñucanchic huauqui Benjamín aillucunahuanca Cutinllatac macanacugrishunchu?— nishpa tapurca. Shina nicpimi, Mandac Diosca: —Cutinllatac macanacugrichiclla— nirca.

JUECES 20:7

Riquichic, tucui cancunami israelcuna canguichic. Chaimanta cancuna parlanacushpa ima yuyaita cuichicyari— nirca.

1 SAMUEL 10:3

Chaimanta ashtahuan rishpaca, Tabor pambapi shayacuc encina yura ladopimi Bet-el pueblopi Diosta mañangapac huichai ricuc quimsa runacuna tupanga. Paicunaca shucca quimsa chivota, shucca quimsa mishqui tandata, shucca shuc shila vinota apashpami ricungacuna.