JUECES 20:1 - Dios Rimashcata Quillcashcami

¹ Tucui israelcunami Dan pueblomanta Beerseba pueblocaman llucshishpa Mizpa pueblopi Mandac Diospac ñaupapi shuc shinalla tandanacurca. Chaipica Galaad llactapi causac gentecunacamanmi carca.

JUECES 20:1 Iomraidhean Croise

2 SAMUEL 19:14

Chashnami Judá llacta gentecunaca tucui mashna shuc yuyailla tucushpa, jatun mandacpacman cachashpaca: «¡Canpish, cambac tucui serviccunapish cutimuichiclla!» nichun cacharca.

2 SAMUEL 2:9

Chaiman pushashpami Galaad llactata, Gesuri llactata, Jezreel pueblota, Benjamín llactatapish, Efraín llactatapish, shinallatac tucui israelcunata mandac cachun churarca.

2 SAMUEL 24:2

Shina nicpimi, jatun mandacca macanacuc runacunata pushac Joabtaca: —Ñuca mashna gentecuna tiyashcata yachangapac Dan pueblomanta callarishpa Beerseba pueblocaman tucui israelcunata yupai— nirca.

2 SAMUEL 3:10

Israel llactatapish, Judá llactatapish mandanata Saulpac huasi ucupuramanta quichushpa, Dan llactamanta callarishpa Beerseba llactacaman David mandachun— nirca.

1 REYES 5:5

Shina cashcamanta ñucami ñucata Mandac Diospac shutipi mañana huasita shayachinata yuyarircani. Mandac Diosmi ñuca taita Davidtaca: “Can mandashpa causacushcapica cambac churitami cambac randi churasha. Paimi ñuca shutipi mañana huasitaca shayachinga” nishca carca.

2 REYES 25:23

Babilonia llactata jatun mandacca Gedaliastami Judá llactapi saquirishca gentecunata mandac cachun churarca. Chashna churashcata soldadocunata mandaccuna shinallatac soldadocuna yachac chayashpaca, Mizpa pueblopimi tupangapac shamurca. Chai shamuccunaca Netaniaspac churi Ismael, Careapac churi Johanán, Netofa pueblomanta Tanhumetpac churi Seraías, Maaca pueblomanta shuc runapac churi Jaazaniasmi paicunapac soldadocunahuan shamurca.

1 CRÓNICAS 21:2

Chaimantami Davidca Joabtapish, soldadocunata mandaccunatapish mandashpaca: —Mashna israelcuna tiyashcata ñuca yachangapac Beerseba pueblomanta callarishpa, Dan pueblocaman yupashpa ñucaman huillac shamuichic— nirca.

2 CRÓNICAS 30:5

Chaimantami Israel llactapi causaccunataca Pascua micuita ruhuashpa, Diosta yuyaringapac Jerusalenman shamuchun Beerseba pueblomantaca, Dan pueblocaman tucui israelcunata cayachun, cachanata yuyarircacuna. Mandashcapi quillcashca shinaca, ña unai huatacunata Pascua micuita mana ruhuashcamantami chaita yuyarirca.

ESDRAS 3:1

Israelcuna utcapi causashca pueblocunaman cutimushpa, canchis quillata causacucpimi, tucui gentecuna Jerusalenpi shuc shinalla tandanacurca.

NEHEMÍAS 11:27

Hazar-sual, Beerseba pueblocuna shinallatac muyundi uchilla llactacunapimi causacurca.

NEHEMÍAS 8:1

Shina cacpimi tucui gentecunaca yacuman llucshina pungu chimba lado plazapi shuc yuyailla tandanacurca. Chaipimi quillcac Esdrastaca Mandac Dios israelcunaman cuchun Moisesman cushca quillcashcata apamui nircacuna.

JEREMÍAS 40:6

Jeremiasca Ahicampac churi Gedaliaspacmanmi Mizpa llactaman cutirca. Chaipimi Judá llactapi saquirishcacunapac chaupipi causarca.

NÚMEROS 32:1

Rubenpac, Gadpac aillucunaca achca animaltami charirca. Paicunaca Jazerpac, Galaadpac allpaca animalcunata mirachingapac alli cashcatami ricurca.

NÚMEROS 32:40

Chashna cacpimi, Moisesca Galaad llactataca Manasespac churi Maquirpac churicunaman curca. Shina cucpimi, paicunaca chaipi causai callarirca.

JOSUÉ 15:38

Dileán, Mizpa, Jocteel,

JOSUÉ 17:1

Manasesca Josepac punta churimi carca. Chaimantami Manasespac aillumanca suerteta ruhuashpa Galaad, Basán llactacunata curca. Manasespac punta churica Maquirmi carca. Paica Galaad llactapi causaccunapac taitami carca. Macanacunatapish allita yachacmi carca.

JOSUÉ 18:26

Mizpa, Cafira, Mozah,

JOSUÉ 22:12

Chaimantami israelcunaca paicunahuan macanacungapac huichai ringapac Silo pueblopi tandanacurca.

JOSUÉ 22:9

Shinami Rubenpac, Gadpac aillucunapish, Manasespac chaupi aillupish Canaán llactapi cac Silo pueblopi israelcunamanta caruyashpa, paicunapac Galaad llactaman cutimurca. Chai llactataca Mandac Dios Moisesta mandashca shinami, paicuna causachun curca.

JOSUÉ 4:13

Macanacungapac allichirishca runacunaca chuscu chunga huaranga shinami macanacunata apashpa Jericó pueblo pambaman Mandac Diospac ñaupata pasarca.

JUECES 10:17

Amonitacunaca tandanacushpami Galaad llactapi carpa huasicunata shayachishpa tiyarirca. Cutin israelcunaca Mizpa pueblopimi tandanacushpa carpacunata shayachishpa tiyarirca.

JUECES 11:11

Shina nicpimi, Jefteca Galaad llactata pushac yuyaccunahuan rirca. Shina ricpimi, chaipi causaccunaca Jeftetaca pushac tucushpa paicunata mandac cachun churarcacuna. Jefteca Mizpa pueblopimi Mandac Diospac ñaupapi chai shinallatac nirca.

JUECES 11:34

Jefté Mizpa pueblopi cac paipac huasiman chayacucpica, paipac ushimi panderopi huactashpa, danzashpa tupangapac llucshirca. Ashtahuan shuctac ushitapish, churitapish mana charircachu. Paillami carca.

JUECES 18:29

Chai pueblotaca paicunapac taita Danta yuyarishpami Danta shutichircacuna. Shina cacpipish utcamanca Lais shutimi carca. Danca Israelpimi huacharirca.

JUECES 20:11

Tucui israelcunami shuc yuyailla tucushpa, Gabaa pueblota tucuchingapac tandarirca.

JUECES 20:18

Chai quipaca, israelcuna jatarishpa, huichai rishpami Mandac Diostaca: —¿Ñucanchicpuramantaca maijan aillutac Benjamín aillucunahuan macanacungapac punta rigrin?— nishpa tapurca. Shina tapucpi Mandac Diosca: —Judá ailluracmi ringa— nirca.

JUECES 20:2

Dios acllashcacunapac tandanacuipica, tucui Israel aillucunata pushaccunami carca. Espadahuan allita macanacuc runacunaca chuscu patsac huarangami carca.

JUECES 20:26

Shina huañuchicpimi, israelcunapish, macanacuc runacunapish huichai rishpa, Mandac Diospac ñaupapi chishiyangacaman huacashpa, ayunashpa carca. Shinallatac Diosman cushpa tucui rupachishpa, Dios-huan alli tucungapac animaltapish curcacuna.

JUECES 20:8

Shina nicpimi, tucui israelcuna shuc yuyailla tucushpa jatarishpaca: —¡Ñucanchicpuramantaca shucllapish quiquin carpa huasicunaman, quiquin huasiman mana cutingachu!

JUECES 21:5

Chai quipami israelcunaca: «¿Tucui Israel aillumantaca maijantac Diospac tandanacuimanca mana shamurca?» nishpa tapurcacuna. Paicunaca: «Mizpa puebloman maijanpish mana ricca huañungatacmi» nishpami Diospac shutipi ari nishca carcacuna.

1 SAMUEL 10:17

Chai quipami Samuelca israelcunata cayashpa Mandac Diospac ñaupapi Mizpa pueblopi tandachirca.

1 SAMUEL 3:20

Tucui israelcunami Dan pueblopi causaccunamanta callarishpa Beerseba pueblopi causaccunacaman Samueltaca Mandac Dios ima nishcata huillashpa alli pactachic cacta yacharca.