JUECES 2:7 - Dios Rimashcata Quillcashcami

⁷ Israelcunaca Josué causacui punzhacunapipish, Josuepac randi yuyac taitacuna mandacui punzhacunapipish Mandac Diostaca servishpami causarca. Paicunami israelcunaman Mandac Dios jatun mancharinacunata ruhuashcata ricurca.

JUECES 2:7 Iomraidhean Croise

2 REYES 12:2

Joasca Joiada cura yachachishpa causacuc tucui huatacunami Mandac Diospac ñaupapi allita ruhuashpa causarca.

2 CRÓNICAS 24:2

Joasca Joiada cura causacui tucui punzhacunami Mandac Diospac ñaupapica allita ruhuashpa causarca.

FILIPENSES 2:12

Chaimanta ñuca cuyashca criccuna, ima shinami ñuca cancunahuan cacpi cazuc carcanguichic, cunan ñuca mana cancunahuan cacpicarin, ashtahuan cazuccuna caichic. Cancuna ña quishpirishca cashcamantaca manchaihuan, chucchuihuan Diospac ñaupapi allita ruhuana yuyailla caichic.

JOSUÉ 24:31

Israelcunaca Josué causacuc tucui huatacunami Mandac Diosta servishpa causarca. Shinallatac Josué huañushca quipapish israelcunata pushac yuyaccunapac tucui causaipimi Diosta servishpa causarca. Israelcunaca Mandac Dios tucui paicunaman imata ruhuashcatami yacharca.

JUECES 2:17

Shina cacpipish, israelcunaca juezcunata mana uyasha nishpami shuctac dioscunata catishpa adorarcacuna. Paicunaca mana ñaupa taitacuna shina Mandac Dios mandashcata cazushpa causarcacunachu, ashtahuanpish Mandac Diosmanta anchurishpami shuctac causaita causarca.

JUECES 2:6

Josué caya minchacaman nishpa raquiricpica, israelcunapish tucuimi japina cashca allpata japingapac rirca.

JUECES 2:8

Mandac Diosta servic Nunpac churi Josueca patsac chunga huatayuc cashpami huañurca.