JUECES 2:5 - Dios Rimashcata Quillcashcami

⁵ Chaimantami chai llactataca Boquim nishpa shutichirca. Chaipimi Mandac Diosman animalcunata cushpa huañuchirca.

JUECES 2:5 Iomraidhean Croise

GÉNESIS 35:8

Rebecata huiñachic Débora huarmi chaipi huañucpimi, Bet-el chaquipi tiyac encina yura ucupi enterrarca. Chai pambataca Alon-bacuttami shutichirca.

JOSUÉ 7:26

Chashna paita rupachishca jahuapica rumicunatami montonarca. Chai montonca cunancamanmi tiyan. Chashna rupachicpimi, Mandac Diosca pai nina japiric shina piñarishcataca pasachirca. Chaimantami chai pugru pambataca cunan punzhacaman Acor pamba nincuna.

JUECES 13:19

Manoaca paipac manadamanta shuc chivota apamushpami, asha harinahuan Mandac Diospac rumi jahuapi tucui rupachirca. Chaipimi angelca Manoapish, huarmipish ricucucpi, milagrota ruhuashpa ricuchirca.

JUECES 2:1

Mandac Diospac ángel Gilgal pueblomanta Boquim puebloman rishpami israelcunataca: «Ñucami Egipto llactamanta llucchishpa, cancunapac ñaupa taitacunaman cungapac ari nishca llactaman pushamurcani. Paicunamanmi ñucaca: “Ñuca cancunahuan ari nishcataca pactachishatacmi.

JUECES 2:4

Mandac Diospac ángel chashna nicpica, tucui israelcunami caparishpa huacai callarirca.

JUECES 2:6

Josué caya minchacaman nishpa raquiricpica, israelcunapish tucuimi japina cashca allpata japingapac rirca.

JUECES 6:24

Chaimantami Gedeonca Mandac Diosman shuc altarta ruhuashpa: “Mandac Diosca cushicuimi” nishpa shutichirca. Chai altarca cunancamanmi abiezeritacunapac Ofra pambapi tiyan.

1 SAMUEL 7:9

Shina nicpimi, Samuelca chuchucuc huahua ovejata japishpa, Mandac Diosman cushpa, tucui rupachirca. Shina ruhuashpa Mandac Diosta tucui israelcunamanta mañacpica, Diosca uyarcami.