JUECES 2:14 - Dios Rimashcata Quillcashcami

¹⁴ Chaimantami Mandac Diosca nina japiric shina piñarishpa israelcunataca imatapish shuhuashpa puriccunapac maquipi churarca. Shinallatac chai muyundipi causac paicunata piñac gentecunapac maquipi churacpimi, israelcunaca paicunataca mana ati pudirca.

JUECES 2:14 Iomraidhean Croise

2 SAMUEL 24:1

Mandac Diosca israelcunahuan cutinllatac nina japiric shina piñarishpami Davidtaca: «Israelcunatapish, Judá gentecunatapish yupachi» nirca.

2 SAMUEL 7:11

Ñuca acllashca israelcunata mandachun juezcunata churashca punzhamanta pachami paicunataca llaquichirca. Tucui canta piñaccunamantami samachisha. Shinallatac Mandac Dios ñucami can causana huasita ruhuasha.

2 REYES 13:3

Chaimantami Mandac Diosca israelcunahuan nina japiric shina piñarishpa, Siria llactata jatun mandac Hazaelpac maquipi, Hazaelpac churi Ben-adadpac maquipi tauca huatacunata llaquita apachun churarca.

2 REYES 17:20

Chaimantami Mandac Diosca israelcunapac tucui huahua huahuacunataca saquirca. Paipac ñaupamanta anchuchingacamanmi shuhuashpa causaccunapac maquipi churashpa llaquichirca.

2 CRÓNICAS 15:5

Chai huatacunapica pipish mana sumacta causai pudircachu. Ashtahuanpish tucui llactapi causaccunami huasipi cashpapish, ñanpi cashpapish llaquita charircacuna.

2 CRÓNICAS 28:5

Chaimantami paita Mandac Diosca siriocunata jatun mandacpac maquipi churacpi, chai siriocuna atishpa, achca gentecunata Damasco puebloman prezu aparca. Shinallatac Israel llactata jatun mandacpac maquipipish churacpimi, mishashpa achcata huañuchirca.

2 CRÓNICAS 36:16

Ashtahuanpish paicunaca Mandac Dios cachashca huillaccuna huillashcata mana cazushpami asircacuna. Dios huillachishca shimita yangapi churashpami, Dios ima nishcata huillaccunata burlarcacuna. Pai acllashcacuna chashna yallita llaquichicpimi, Mandac Diosca yallita piñarishpa, ima shina mana jarcari pudishpa llaquichirca.

NEHEMÍAS 9:27

Chaimantami paicunataca, piñaccunapac maquipi churarcangui, chaipica llaquichircacunami. Shina llaquita apacushpami, cantaca caparishpa mañarcacuna. Canca jahua pachamantami uyarcangui, yallita llaquic cashcamantami, piñaccunapac maquimanta quishpichingapac, cacharichiccunata cacharcangui.

SALMOS 44:11

Ovejata shinami huañuchicpac maquipi churangui. Shuctac llactacunamanmi caita chaita cachangui.

SALMOS 44:12

Can acllashcacunataca ashalla cullquipipish, mana caturcanguichu. Paicunamantaca imatapish mana japishcanguichu.

ISAÍAS 42:24

Jacobopac huahuacunataca, ¿pitac prezuchircayari? ¿Pitac israelcunataca shuhuaccunapac maquipi churarcayari? ¿Manachu Mandac Dios ñucanchic mana cazushcamanta llaquichicun? Pai mandashcacunata mana cazushpami, pai munashca shina mana causarca.

ISAÍAS 50:1

Mandac Diosca: «¿Maipitac cancunapac mama shina, Israel llactata shitashcata ricuchic quillcaca? Mana cashpaca, ¿pimantac debimanta caturcani? Riquichic, cancuna mana allita ruhuashcamantami catushca carcanguichic. Cancunallatac mana cazushcamantami cancunapac mama shina, llactaca millana tucushca.

JEREMÍAS 37:10

Cancunahuan macanacucuc caldeocunata cancuna tucuita aticpi, maijan soldadocunalla paicunapac carpa huasicunapi chugririshca saquirishpapish cai llactataca ninata churashpa tucuchingami” ninmi ningui» nirca.

LEVÍTICO 26:17

Ñucaca cancunata piñashami. Shina piñacpimi, cancunata piñaccunaca atishpa chugrichinga. Cancunata mana ricunayachiccunami manchachishpa changa. Manapish pi ima nicucpimi, miticushpa puringuichic.

LEVÍTICO 26:28

ñucapish piñarishpami canchis cutin yallihuan cancunapac juchamantaca llaquichisha.

LEVÍTICO 26:37

Manapish pi caticucpimi, espadahuan caticucpi shina, callpashpa caishuc chaishuc huactarishpa urmangacuna. Cancunata piñaccunahuanca mana cariyai pudinguichicchu.

NÚMEROS 32:13

Mandac Diosca israelcunahuan nina japiric shina piñarishpami chuscu chunga huatata shitashca pambapi saquirca. Chashnami tucui mana allita ruhuac paicunapac huahua huahuacuna huañungacaman carca.

NÚMEROS 32:14

Cunan cancunapish millaita ruhuac juchayuc taitacunapac churicuna cashpami, ashtahuan Dios-huan israelcunahuan piñanacuchishcanguichic.

DEUTERONOMIO 28:20

Mandac Diosmi tucui cancunapac maquihuan ruhuashcacunataca maldicianga. Chaimantami manchaitapish, llaquicunatapish cachanga. Cashnami mana allita ruhuashpa, Diosmanta caruyashcamantaca tucui cancuna tucuringacaman llaquihuan canguichic.

DEUTERONOMIO 28:25

Mandac Diosca cancunataca piñaccunapac maquipimi llaquichichun churanga. Cancunaca macanacungapacca shuc ñanllatami llucshinguichic. Cutin paicunapac ñaupamantaca canchis ñantami cutinguichic. Chaita ricushpaca, tucui cai pachapi tiyac jatun mandaccunami mancharinga.

DEUTERONOMIO 28:58

Cai quillcashca mandashcacunapi tucui nicushcata cungarishpa, Mandac Diospac sumaimana manchana shutita mana cazucpica,

DEUTERONOMIO 32:30

Jatun Rumi shina Diosllatac mana mishachishca cacpica, ¿ima shinatac shuclla runa huaranga genteta callpachinga? ¿Ima shinatac ishcailla runa chunga huaranga genteta catishpa cachanga?

JOSUÉ 23:16

Cancunata Mandac Dios-huan ari nishcacunata mana cazushpa, shuctac ruhuashcalla dioscunata servishpa cumuricpica, Mandac Diosca nina japiric shinami cancunahuanca piñaringa. Chashna piñaricpica, pai cushca sumac allpapica utcami tucui tucuringuichic» nirca.

JUECES 1:19

Judá aillucunaca Mandac Dios paicunahuan cacpimi, urcucunapi causaccunata llucchishpa cacharca. Ashtahuanpish pugru pambapi causac gentecunaca fierro carretacunatami charirca. Chaimantami paicunataca mana llucchishpa cachai pudirca.

JUECES 1:34

Cutin Dan aillutaca amorreocunaca pugru pamba llactacunaman mana yaicuchun saquishpami urcucunallapi causachun saquirca.

JUECES 10:7

Chaimantami Mandac Dios israelcunahuan nina japiric shina piñarishpa filisteocunapac maquipi, shinallatac amonitacunapac maquipi churarca.

JUECES 2:20

Chaimantami Mandac Dios israelcunahuan nina japiric shina piñarishpaca: «Cai gentecunaca paicunapac ñaupa taitacunaman pactachingapac ari nishcataca mana cazushcacunachu. Ñuca nishcataca mana uyasha nincunachu.

JUECES 3:12

Israelcunaca cutinllatacmi Mandac Diospac ñaupapi mana allita ruhuai callarirca. Chaimantami Mandac Diosca israelcunata llaquichichun Moab llactata mandac Eglonta sinchiyachirca.

JUECES 4:2

Chaimantami Mandac Diosca Canaán llactata jatun mandac Jabinpac maquipi churarca. Paica Hazor pueblopimi mandacurca. Paipac macanacuc runacunata mandacca Sisarami carca. Paica Haroset-goim pueblopimi causarca.