JUECES 2:11 - Dios Rimashcata Quillcashcami

¹¹ Chai quipaca Mandac Diospac ñaupapi mana allita ruhuashpami israelcunaca Baal dioscunata servishpa causai callarirca.

JUECES 2:11 Iomraidhean Croise

GÉNESIS 13:13

Sodomapi causaccunaca millai gentecuna, mancharina juchacunata ruhuashpa, Mandac Diosta piñachiccunami carca.

GÉNESIS 38:7

Judapac punta churi Erca Mandac Diospac ñaupapica mana alli causarcachu. Chaimantami Erpac causaita quichurca.

1 REYES 11:5

Salomonca Sidón llactapi causaccunapac Astarte huarmi diosta shinallatac amonitacunapac Moloc millana yanga diostami catirca.

1 REYES 18:18

Shina nicpimi Eliasca: —Israelcunataca mana ñucachu llaquichicuni, ashtahuanpish canmi, cambac taitapac familiacunahuan Mandac Dios mandashcacunata saquishpa, Baal dioscunata catishpa llaquichicungui.

1 REYES 22:53

Paica, paipac taita mana allita ruhuashcata shinallatacmi Baal diosta servishpa, adorashpa israelcunata jatun Mandac Diostaca yallita piñachirca.

2 CRÓNICAS 28:2

Ashtahuanpish Israel llactata jatun mandaccuna shinallatacmi mana allita ruhuashpa causarca. Chaipac jahuapica metalta yacuyachishpami Baal dioscunaman ricchata ruhuachirca.

2 CRÓNICAS 28:3

Ben-hinom pugru pambapipish inciensota rupachircami. Paica israelcunapac ñaupamanta llucchishpa cachashca millaita ruhuac gentecuna shinallatacmi, paipac churicunata chai dioscunaman rupachirca.

2 CRÓNICAS 33:6

Manasesca paipac churicunata dioscunaman cushpami, Hinom pambapi rupachirca. Lucerota ricushpa yachacpish, adivinopish, brujopish, brujocunaman, espiritucunaman tapucpish tucurcami. Mandac Diospac ñaupapica millanayai juchata ruhuashpami, yallita piñachirca.

ESDRAS 8:12

Azgadpac huahua huahuapuramantaca Hacatanpac churi Johananmi patsac chunga runacunahuan shamurca.

NEHEMÍAS 9:26

Ashtahuanpish paicunaca, cantaca mana cazurcacunachu, can mandashcatapish, yangata ruhuashpami, yallita piñachircacuna. Canman cuti richun nishpa, can ima nishcata huillaccunatapish huañuchircacunami, yallitami llaquichircacuna.

SALMOS 78:56

Ashtahuanpish jahua pachapi causac Diosta pai ima shina cashcata ricungapacmi piñachircacuna. Ima shina causanata pai yachachishcatapish mana cazurcacunachu.

JEREMÍAS 11:10

Paicunapac ñaupa taitacuna shinallatacmi mana allita ruhuashpa, ñuca rimashcata mana cazushpa, shuctac dioscunata servirca. Israelcunapish, Judá llactapi causaccunapish paicunapac ñaupa taitacunahuan ari nishcatami yangapi churarca.

JEREMÍAS 16:11

Shina nicpica canca: “Mandac Diosca: Cancunapac taitacunami ñucata saquishpa, shuctac dioscunapac ñaupapi cungurishpa servirca. Chashnami ñucata cungarishpa, ñuca mandashcacunatapish mana pactachirca.

JEREMÍAS 2:20

Utcamanta pachami yugota paquishpa, coyundatapish pitircangui. Shina ruhuashpaca: “¡Mana servishachu!” nircanguimi. Chashna nishca jahuami lomacunapi, jatun yura ucucunapi huainayac huarmi shina sirirircangui.

JEREMÍAS 2:23

¿Ima nishpatac canca: “Mana mapayashcachu cani, Baal dioscunatapish mana catishcanichu” ningui? Pambacunapi can imata ruhuashcatapish ricuiyari. Alli yuyariyari. Ñanman llucshishpa, maitapish callpac huarmi shinami cangui.

JEREMÍAS 32:23

Paicunaca chai llactaman yaicumushpa, chai allpata japishpapish can rimashcataca mana uyashun nircachu. Can mandashcacunatapish mana pactachircachu. Shinallatac imata ruhuachun nishcatapish mana ruhuarcachu. Chaimantami cai tucui llaquicunahuan paicunata llaquichishcangui.

JEREMÍAS 9:14

Chaipac randica, paicunapac taitacuna yachachishca shinallatacmi Baal dioscunata catishpa, shungu munashcata ruhuashpa causarca.

NÚMEROS 25:3

Chashnami israelcunaca Baal-peor diosta adorarca. Chaimantami Mandac Diosca israelcunahuanca nina japiric shina piñarirca.

DEUTERONOMIO 31:16

Mandac Diosca Moisestaca: «Canca huañushpa, ñaupa taitacunahuan tandanacugringuimi. Israelcunaca paicuna ricushca llactaman chayashpaca, chaipi tiyac dioscunata catishpami huainayanga. Shinami ñucamanta caruyashpa, ñuca paicunahuan ari nishcatapish yangapi churanga.

DEUTERONOMIO 4:25

Cancuna chai llactapi causacushpaca huahuacunayuc, nietocunayuc tucushpami yuyaccuna tucunguichic. Chashna causacushpaca, ama labrashca dioscunata, imaman riccha dioscunata ruhuashpa adoranguichicchu. Chashna ruhuashpaca Mandac Diospac ñaupapi mana allita ruhuashpami paita piñachinguichic.

JUECES 10:10

Chaimantami israelcunaca Mandac Diosta caparishpa mañashpaca: —Canta servinata saquishpa shuctac Baal dioscunata servishpami canta piñachishpa juchallishcanchic— nirca.

JUECES 10:6

Israelcunaca Baal, Astarot, Siria llacta, Sidón pueblopi tiyac, Moabpac, Amonpac churicunapac, filisteocunapac dioscunata servishpami Mandac Diosta piñachircacuna. Chashnami Mandac Diosta cungarishpa mana servircacuna.

JUECES 13:1

Israelcunaca cutinllatac Mandac Diospac ñaupapi mana allita ruhuai callaricpimi, Mandac Diosca chuscu chunga huatata filisteocunapac maquipi churarca.

JUECES 3:12

Israelcunaca cutinllatacmi Mandac Diospac ñaupapi mana allita ruhuai callarirca. Chaimantami Mandac Diosca israelcunata llaquichichun Moab llactata mandac Eglonta sinchiyachirca.

JUECES 3:7

Israelcunaca Mandac Diospac ñaupapi mana allita ruhuashpami paicunata Mandac Diosta cungarishpa Baal dioscunata, Aserami diosman ricchacunata servircacuna.

JUECES 4:1

Aod huañushca quipaca israelcunaca cutinllatacmi Mandac Diospac ñaupapi mana allita ruhuai callarirca.

JUECES 6:1

Israelcuna Mandac Diosta mana allita ruhuashpa piñachishcamantami Mandac Diosca madianitacunapac maquipi canchis huatata churarca.

JUECES 6:25

Altarta ruhuashca tutallatacmi Mandac Dios Gedeontaca: —Cambac taitapac huagracunamanta shuc huagratapish, quipa shayacuc canchis huatayuc huagratapish apamui. Quipaca cambac taita Baalman ruhuashca altar ladopi tiyac Asera huarmi diosta yuyarina yuratapish tigrachingui.

JUECES 8:33

Gedeón huañushca quipapish israelcunaca cutinllatacmi Baal dioscunata adorashpa, huainayarcacuna. Chashnami Baal-birit diosta paicunapac dios cachun acllarca.

1 SAMUEL 12:10

Chaimantami paicunaca Mandac Diostaca: “Mandac Diosta saquishpa Baal, Astarte yangalla dioscunata servishpami juchallishcanchic. Cunanca ñucanchicta piñaccunapac maquimanta quishpichiyari. Canllatacmi servishpa causashun ninchic” nishpa caparishpa mañarca.

1 SAMUEL 7:3

Chaimantami Samuelca israelcunataca: —Mandac Diosman tucui shunguhuan cutirishpaca ruhuashcalla shuctac dioscunata, Astarot huarmi diostapish cancunamanta anchuchinguichic. Chai quipaca shungumanta allichirishpa Mandac Diosllatac servishpa causanguichic. Chashna causacpimi, filisteocunapac maquimantaca cacharichinga— nirca.

1 SAMUEL 7:4

Shina nicpimi, israelcunaca Baal, Astarot dioscunata anchuchishpa, Mandac Diosllatac servirca.