JUECES 19:5 - Dios Rimashcata Quillcashcami

⁵ Ña chuscuniqui punzhapimi levitaca cutingapac utca jatarirca. Ashtahuanpish chai huarmipac taitaca paipac yernotaca: —Chushac huicsaca ama richu asha micunata micui, quipataca ringuillami— nirca.

JUECES 19:5 Iomraidhean Croise

GÉNESIS 18:5

Cancuna micuchunca, asha micunata apamugrisha. Ña micushpaca ringuichicllami. Cancunata servic ñucapac huasi ladota pasacushpaca micushpami rina canguichic— nirca. Shina nicpimi paicunaca: —Can nishca shina ruhuailla— nirca.

1 REYES 13:7

Chai quipami jatun mandacca Diospaclla runataca: —Jacu ñuca huasipi imallata micungui. Imalla convidanatapish cugrinimi— nirca.

SALMOS 104:15

Gentecunata cushichic vinopish, ñahuita sumacyachic aceitepish, micuna granopish canmantami tiyan.

SAN JUAN 4:34

Shina nicpimi Jesusca: —Ñuca micunaca, ñucata cachac Diospac munaita ruhuanami, pai imata ruhuachun nishcata tucuchinami.

HECHOS 9:19

Ña micushpaca sinchiyarcami. Quipaca tauca punzhacunatami Damasco pueblopi caishuc criccunahuan carca.

JUECES 19:4

Chai huarmipac taita paita ricsishpaca cushicushpami chasquingapac llucshirca. Chai huarmipac taita chai levitapac suegro saquirichun nicpimi, chaipi quimsa punzhata ubiashpa, micushpa carca.

JUECES 19:8

Ña pichcaniqui punzhapimi levitaca ringapac utca jatarirca. Shina cacpipish chai huarmipac taitaca: —Cuerpo sinchicuchunca asha micunata micushpa chishiyangacaman caipi saquiri— nirca. Shinami saquirishpa paicuna ishcai tucushpa micurca.

1 SAMUEL 30:12

Shinallatac higo chaquishcamanta ruhuashca asha tandatapish, shinallatac chaquishca ishcai caspa uvastapish cararcami. Ña chaita micushca quipami paica sinchiyarca. Paica quimsa punzha, quimsa tutatami mana micushca, yacutapish mana ubiashca carca.