JUECES 19:17 - Dios Rimashcata Quillcashcami

¹⁷ Chai yuyac runa paicunata plazapi tiyacucta ricushpaca: —¿Maimantatac shamungui? ¿Maimantac ricungui?— nishpa tapurca.

JUECES 19:17 Iomraidhean Croise

GÉNESIS 16:8

—Saraita servic Agar, ¿maimantatac shamucungui? ¿Maimantac ricungui?— nirca. Shina nicpimi paica: —Ñuca ama Saraipac ñaupamantami miticushpa ricuni— nirca.

GÉNESIS 32:17

Ñaupashpa ric servictaca: —Ñucapac huauqui Esaú tupashpa: “¿Pitac cambac amoca? ¿Maimantac ricungui? ¿Cai animalcunataca pimantac apacungui?” nicpica:

2 SAMUEL 12:4

Chayuc runapacmanmi shuctac llacta runa chayamurca. Shuctac llacta runaman carangapacca paipac ovejacunamantapish, vacacunamantapish mana huañuchisha nircachu. Chaipac randica huaccha runapac shuclla ovejatami huañuchishpa yanushpa shuctac llacta runamanca cararca— nirca.

ISAÍAS 33:8

Ñancunapish shitashcami. Pipish ña mana purincunachu. Huillaccunataca mana cazushpami, ari nishcatapish mana pactachin. Pitapish mana manchancunachu.

JEREMÍAS 14:8

Llaqui punzhacunapi quishpichichun israelcuna shuyana, quishpichic Dioslla, ¿ima nishpatac cai llactapica caru llacta runa shina tucungui? ¿Ima nishpatac puric runa pacaringapac carpata shayachic shina tucungui?

JUECES 19:16

Shina cacpimi, ña chishiyanata shuc yuyac runa chagrapi trabajashpa shamucurca. Chai runaca Efraín urcu llactacunamantami carca. Gabaa llactapica Benjaminpac aillucunami causacurca. Chaimantami chai runaca Gabaa pueblopica pozashpalla causacurca.

JUECES 19:18

Shina tapucpi paica: —Judá llacta Belén pueblomantami Efraín urcu llactaman ringapacmi caipi samaricunchic. Chai caru llactamantami ñucaca cani. Ñucaca Judá llacta Belén pueblomanmi rircani. Cunanca Mandac Diospac huasimanmi ricuni. Shinapish pi mana pozachisha ninchu.