JUECES 19:16 - Dios Rimashcata Quillcashcami

¹⁶ Shina cacpimi, ña chishiyanata shuc yuyac runa chagrapi trabajashpa shamucurca. Chai runaca Efraín urcu llactacunamantami carca. Gabaa llactapica Benjaminpac aillucunami causacurca. Chaimantami chai runaca Gabaa pueblopica pozashpalla causacurca.

JUECES 19:16 Iomraidhean Croise

GÉNESIS 3:19

Canca allpallamantac cutingacamanca ñahui quingrai jumbishpa trabajashpami micungui. Canca allpamantami ruhuashca cangui. Allpami cangui. Chaillamantacmi cutingui— nirca.

SALMOS 104:23

Runacunaca imatapish ruhuangapac llucshishpaca, tutayangacamanmi trabajancuna.

SALMOS 128:2

Quiquin maquihuan trabajashcata micushpaca cushicunguimi. Alli causaitapish charinguimi.

PROVERBIOS 13:11

Cungailla charishcacunaca utcami tucurin. Ashancaman, ashancaman charishcacunaca achcayashpami catin.

PROVERBIOS 14:23

Ima trabajota ruhuashpapish japinmi. Ashtahuanpish rimashpalla causaccunaca huacchami causancuna.

PROVERBIOS 24:27

Canzha ruhuaicunatarac ruhuangui. Cambac allpacunapi ruhuaitarac yuyaringui. Chai quipaca cambac huasita shayachingui.

ECLESIASTÉS 1:13

Ñucaca cai pachapi imata ruhuashcata allita entendingapacca tucui yuyaihuan callarishpami ricurcani. Dios cai pachapi causaccunaman cushca ruhuanacunaca yallita sinchimi.

ECLESIASTÉS 5:12

Trabajac runaca ashallata micushpapish, achcata micushpapish allimi sueñun. Ashtahuanpish chayuc runataca chai charishcacunami mana sueñucta saquin.

OSEAS 9:9

Gabaa llactapi causaccuna shinallatacmi yallita millaita ruhuashpa causarca. Cunanca, paicuna mana allita ruhuashcata Mandac Dios yuyarishpami llaquichinga.

EFESIOS 4:28

Shuhuac cashpapish shuhuanata saquishpa, trabajanata yuyaichic. Shina quiquin maquihuan trabajashpami, huacchacunaman imata cungapacpish charinguichic.

2 TESALONICENSES 3:10

Ñucanchic cancunahuan cashpaca: “Maijanpish mana trabajasha nicca ama micuchun” nishpami mandarcanchic.

JUECES 19:1

Chai huatacunapica Israel llactapica jatun mandacca mana tiyarcachu. Chai huatallapitacmi Leví aillumanta shuc runaca, Efraín urcu llactata rishpa, achcata caruyashpa pozac shina causacurca. Chai runami Judá llacta Belén pueblomanta caishuc huarmihuan causacurca.

JUECES 19:14

Chaita pasashpaca Benjamín llacta Gabaa pueblopimi ña inti tigrashpa amsayacucta chayarca.

JUECES 19:15

Chaiman chayashpa ña mana ashtahuan purishpami chai ñanmanta ladoyashpa Gabaa pueblopi pacaringapac rirca. Chai pueblopipish sueñuna huasita pi mana cucpimi, plazaman rishpa tiyarirca.

JUECES 19:17

Chai yuyac runa paicunata plazapi tiyacucta ricushpaca: —¿Maimantatac shamungui? ¿Maimantac ricungui?— nishpa tapurca.