JUECES 19:1 - Dios Rimashcata Quillcashcami

¹ Chai huatacunapica Israel llactapica jatun mandacca mana tiyarcachu. Chai huatallapitacmi Leví aillumanta shuc runaca, Efraín urcu llactata rishpa, achcata caruyashpa pozac shina causacurca. Chai runami Judá llacta Belén pueblomanta caishuc huarmihuan causacurca.

JUECES 19:1 Iomraidhean Croise

GÉNESIS 22:24

Chaipac jahuapica Nacorca caishuc Reúma huarmipipish huahuacunata charircami. Paicunaca Teba, Gaham, Tahas, Maacami carca.

GÉNESIS 25:6

Ashtahuanpish caishuc huarmicunapi charishca churicunamanca asha convidanacunallatami curca. Shina cushpami, paipac churi Isaacpac ñaupamanta caruman cacharca. Paicunaca inti llucshina lado caru llactapimi causarca.

GÉNESIS 35:19

Chashnami Raquelca huañurca. Pai huañucpica, Efrata ñan ladopimi enterrarca. Cunanca chai Efrata llactataca Belén nincunami.

2 SAMUEL 16:22

Chashna nishpami, Absalonmanca mandashpa tiyana huasi jahuapi shuc uchilla carpa huasita shayachirca. Chaipimi Absalonca tucui israelcuna ricucucpi, paipac taita Davidpac caishuc huarmicunapi chayarirca.

2 SAMUEL 19:5

Chashna cacpimi, Joabca jatun mandacpac huasiman yaicushpaca: «Cunanca, cantapish, cambac huarmicunatapish, churicunatapish, ushicunatapish, caishuc huarmicunatapish quishpichic canta serviccunatami pingaichishcangui.

2 SAMUEL 20:3

Jatun mandac David Jerusalenman chayashpaca, pai mandana huasita cuidachun saquishca paipac caishuc chunga huarmicunatami shuc huasiman pasachishpa huichcashpa churarca. Chai huarmicunaman micunata carashpa charicushpapish, paicunapica ña mana chayarircachu. Paicunataca viuda huarmicuna shina causachunmi huichcashpa churarca.

2 SAMUEL 3:7

Saulca Ajapac ushi Rizpa shuti caishuc huarmitami charirca. Chaimantami Saulpac churi Is-bosetca Abnertaca: —¿Ima nishpatac ñuca taitapac caishuc huarmihuan chayarinacungui?— nishpa tapurca.

2 SAMUEL 5:13

David Hebrón pueblomanta rishpaca Jerusalén pueblopi causac caishuc huarmicunatami ashtahuan charirca. Chai huarmicunapish cari huahuacunata, huarmi huahuacunatami charirca.

1 REYES 11:3

Canchis patsac huarmitami charirca. Chai huarmicunaca jatun mandacpac huarmicunami carca. Caishuc huarmicunataca quimsa patsactami charirca. Chai huarmicunami Salomonpac shungutaca pandachirca.

1 REYES 4:8

Chai mandaccunapac shuticunaca caicunami. Efraín urcupica Hurmi mandacurca.

2 CRÓNICAS 11:21

Roboamca chunga pusac huarmicunatami charirca. Caishuc huarmicunataca sucta chunga huarmicunatami charirca. Tucui chai huarmicunamantaca Absalonpac ushi Maaca huarmitami ashtahuan cuyarca. Chai tucui huarmicunahuanca ishcai chunga pusac churicunata, sucta chunga ushicunatami charirca.

ESTER 2:14

Jatun mandacpac huasiman chishi shamushpaca, cayandi tutamantami huarmicuna tiyacuc huasiman cutic carca. Jatun mandacta alli servic, mandacpac caishuc huarmicunata cuidac Saagazmi pushashpa ric carca. Chashna rishpaca mana ashtahuan jatun mandacpacman cuti pudicchu carca. Jatun mandac maijanta shamuchun nicllapimi, shutipi cayashpa pushamuc carca.

DANIEL 5:3

Chashna cachacpimi, Jerusalenpi tiyac Diospac huasimanta apamushca curi vasocunata apamurca. Chai vasocunapimi jatun mandacpish, pai churashca mandaccunapish, paipac huarmicunapish, caishuc huarmicunapish vinota ubiarca.

MALAQUÍAS 2:15

¿Manachu Mandac Diosca caritapish, huarmitapish cuerpondi, espiritundi shuclla shinata ruhuarca? ¿Imapactac chashna ruhuarca? ¡Paica, cancunapac huahua huahuacunapish, paipaclla cachunmi chashna ruhuarca! Chaimanta cancunapac yuyaita cuidarichic, ama cancunapac huarmita shitaichicchu.

SAN MATEO 2:6

“Judea llacta Belenlla, canca tucui Judea pueblocunamanta alli nishca pueblomi cangui. Canmantami shuc mandac llucshinga. Paimi ñuca acllashca israelcunataca pushanga” nishcami— nirca.

JOSUÉ 24:30

Josuetaca Efraín urcupi Timnat-sera allpapimi enterrarca. Chai allpaca Gaas urcumantaca jahua ladomanmi carca.

JOSUÉ 24:33

Shinallatac Aaronpac churi Eleazar curapish huañurcami. Paitaca paipac churi Fineespac allpa lomapimi enterrarca. Chai allpaca Efraín urcupimi carca.

JUECES 12:8

Jefté huañushca quipaca Belén pueblomanta Ibzanmi israelcunataca mandarca.

JUECES 17:1

Efraín urcupimi shuc runa tiyarca. Paica Micaías shutimi carca.

JUECES 17:6

Chai punzhacunapica Israel llactapica mana jatun mandac tiyarcachu. Chaimantami gentecunaca quiquin munashcata ruhuashpa causarca.

JUECES 17:7

Judá llacta Belén pueblopimi Judá aillupuramanta shuc levita moso pozashpalla causacurca.

JUECES 17:8

Chai mosomi Judá llacta Belén pueblomanta maipi causanata mashcangapac llucshirca. Chashna llucshishpami Efraín urcu llactacunata rishpa Micaiaspac huasiman chayarca.

JUECES 18:1

Chai punzhacunaca Israel llactapica jatun mandacca mana tiyarcachu. Shinallatac Dan aillupish, Israel aillupurapica paicuna causangapac allpataca manarac japircachu. Chaimantami chai punzhacunapica maipi causanata mashcacurca.

JUECES 18:13

Chaimanta rishpaca Efraín urcuta rishpami Micaiaspac huasiman chayarca.

JUECES 19:16

Shina cacpimi, ña chishiyanata shuc yuyac runa chagrapi trabajashpa shamucurca. Chai runaca Efraín urcu llactacunamantami carca. Gabaa llactapica Benjaminpac aillucunami causacurca. Chaimantami chai runaca Gabaa pueblopica pozashpalla causacurca.

JUECES 19:2

Ashtahuanpish caishuc huarmica paihuan piñarishpami, Judá llacta Belén puebloman rishpa paipac taitapac huasipi causagrirca. Chaipimi chuscu quillata causacurca.

JUECES 21:25

Chai huatacunapica Israel llactapica mana jatun mandac tiyarcachu. Chaimantami paicunaca quiquin munashcata ruhuashpa causarcacuna.

JUECES 3:27

Aod chaiman yaicushpaca Efrainpac urcupimi cornetapi tocarca. Chashna tocacpimi, israelcunaca Aodhuan urcumanta urai shamurca. Paica israelcunata ñaupashpami shamurca.