JUECES 18:8 - Dios Rimashcata Quillcashcami

⁸ Paicuna Zora puebloman, Etaol puebloman cuticpimi paicunapac huauquicunaca: —¿Ima tiyanchu?— nishpa tapurcacuna.

JUECES 18:8 Iomraidhean Croise

JOSUÉ 15:33

Sefela jatun pambapi tiyac pueblocunaca Estaol, Zora, Asena,

JUECES 13:2

Zora pueblomantami Dan aillupuramanta Manoa runa tiyarca. Paipac huarmica huahuata mana chari pudic cashpami, mana sajuarirca.

JUECES 16:31

Chashna paipish huañucpimi huauquicunapish, paipac taitapac huasi ucupurapish shamushpa aparcacuna. Shina apashpaca Zora pueblo, Estaol pueblo chaupipi paipac taita Manoata enterrashca ladollapitacmi enterrarcacuna. Sansonca ishcai chunga huatatami israelcunata mandarca.

JUECES 18:11

Shina nicpimi Zora, Estaol pueblomanta Dan aillucunaca sucta patsac soldadocunahuan macanacungapac macanacunata apashca llucshirca.

JUECES 18:2

Shina mashcacushpami Dan aillupac miraicunaca pichca runacunata allpata ricushpa, ricsishpa shamuchun cacharcacuna. Paicunaca Zora pueblomanta, Etaol pueblomanta paicunapac aillupura alli sinchi runacunatami cacharca. Chashna cachashpaca: —Chai llacta ima shina cashcata ricumugrichic— nirca. Chai runacunaca Efraín urcuman chayashpami Micaiaspac huasipi pacarirca.

JUECES 18:7

Chashna rishpami chai pichca runacunaca Lais puebloman chayarca. Chaiman chayashpami chai gentecunataca Sidón pueblopi causaccuna shina cushilla ima llaqui japinata mana manchashpa, yangalla causaccunata ricurca. Chai llactapica pi llaquichicpish, pi mana allita ruhuacpish mana tiyarcachu. Sión pueblomanta carupimi causarcacuna. Pihuan ima rimanacunatapish mana charircacunachu.

JUECES 18:9

Shina tapucpi paicunaca: —¡Chai allpataca ricugrircanchicmi. Chai allpaca sumacmi cashca. Chaimanta jatarishpa chai allpata quichungapac huichai rishunchic! Cancunaca ima nishpatac casilla saquiringuichic. Chai llactata ñucanchic japingapac utca jacuchiclla. Ama upalla saquirichicchu.