JUECES 18:6 - Dios Rimashcata Quillcashcami

⁶ Shina nicpimi, chai curaca: —Cancunata Mandac Diosmi cuidashpa pushacun, ama manchashpa cushilla richiclla— nirca.

JUECES 18:6 Iomraidhean Croise

1 REYES 22:12

Tucui huillaccunami chai shinallatac huillashpaca: «Mandac Diosmi chai pueblopi causaccunataca jatun mandacpac maquipi churashpa mishachinga. Chaimanta Galaad llacta Ramot puebloman huichai rilla» nirca.

1 REYES 22:15

Micaías jatun mandacpacman chayacpimi, jatun mandacca: —Micaías, ¿Galaad llacta Ramot pueblopi causaccunahuanca macanacungapac rishunchu, mana cashpaca saquishunchu?— nirca. Shina nicpimi paica: —Rilla, Mandac Diosmi jatun mandacpac maquipi churanga. Chaimanta canca atinguimi— nirca.

1 REYES 22:6

Shina nicpimi, Israel llactata jatun mandacca Diosmanta huillac chuscu patsac runacunata tandachishpaca: —¿Galaad llacta Ramot pueblopi causaccunahuan macanacungapac rishachu, mana cashpaca saquishachu?— nirca. Shina nicpimi paicunaca: —Rilla, Mandac Diosca chai pueblopi causaccunataca jatun mandacpac maquipimi churanga— nirca.

SALMOS 33:18

Ashtahuanpish Mandac Diospac ñahuica paita manchaccunata, pai llaquichun nishpa shuyacuccunatami ricucun.

ÉXODO 4:18

Moisesca paipac suegro Jetropacman cutishpaca: —Ñuca huauquicunapacmanmi, paicuna causacushcata, mana causacushcata yachangapac Egiptoman cutirigrini— nirca. Shina nicpimi Jetroca: —Allilla ringui— nirca.

JEREMÍAS 23:32

Muscushcata llullashpa huillaccunahuanca piñarishcami cani. Paicunaca uyanalla shimicunata parlashpami, ñuca acllashcacunataca pandachin. Ñucaca paicunataca mana huillachun cacharcanichu. Cai gentecunamanca ima allitapish mana ruhuancunachu. Chaitaca Mandac Dios ñucami nini.

DEUTERONOMIO 11:12

Chai llactataca Mandac Diosmi cuidacun. Mandac Diosca huata callarimanta, huata tucuringacamanmi cuidacunlla.

1 TESALONICENSES 3:11

Ñucanchic Diospish, Apunchic Jesucristopish cancunata ricungapac pushachunmi munanchic.

JUECES 18:5

Shina nicpimi, chai runacunaca: —Ñucanchic ricushcaca alli cashcata yachangapac Taita Diosman tapushpa cuiyari— nirca.

JUECES 18:7

Chashna rishpami chai pichca runacunaca Lais puebloman chayarca. Chaiman chayashpami chai gentecunataca Sidón pueblopi causaccuna shina cushilla ima llaqui japinata mana manchashpa, yangalla causaccunata ricurca. Chai llactapica pi llaquichicpish, pi mana allita ruhuacpish mana tiyarcachu. Sión pueblomanta carupimi causarcacuna. Pihuan ima rimanacunatapish mana charircacunachu.

1 SAMUEL 1:17

Shina nicpimi Elica: —Cunanca cushicushpa rilla. Israelcunapac Diosca can imata mañashcataca cushca cachun— nirca.