JUECES 18:25 - Dios Rimashcata Quillcashcami

²⁵ Shina nicpi, Danpac aillucunaca: —¡Caitaca ñucanchicpurapi mana ninachu canguichic! Upalla cai. Pacta ñucanchicpuramanta maijan yallita piñarishpa cantapish, cambac familiacunatapish tucuchinman— nirca.

JUECES 18:25 Iomraidhean Croise

2 SAMUEL 17:8

Husaica caitapish nircami: —Cambac taitapish, paipac runacunapish sinchi cashcataca canllatac yachanguimi. Cunancarin huahuacunata quichucpi, mama oso piñaric shinami canga. Chai jahuapi cambac taitaca macanacunata alli yachacmi. Chaimanta mana cunan tutaca gentecunahuan chaipi pacaricungachu.

JOB 27:2

«Ñuca japina cashcata quichuc Diosca causacunmi. Ñuca almata llaquichic tucuita ruhuac Diosca ricucunmi.

JOB 3:5

Chai punzhaca purayashca huañuna llandu cachun. Punzha purayashca shina, manchanayaita ruhuashpachari alli canman.

JUECES 18:24

Shina nicpimi Micaiasca: —Ñuca ruhuashca dioscunatapish, ñucapac curatapish cancuna apacpica, ¿Ñucamanca imatac saquirin? ¿Chashna apashca jahuachu cancunaca: “¿Imatac tucunguichic?” nishpa tapunguichic?— nirca.

JUECES 18:26

Dan aillucuna yallita sinchi runacuna cacta ricushpami, Micaiasca paipac huasiman cutirca. Cutin Danpac aillucunaca cutinllatac puri callarircacunami.

1 SAMUEL 30:6

Davidtaca tucui gentecunami paicunapac huarmicunata, churicunata, ushicunata prezu apashcamanta, paicunapac shungupi yallita piñarishpa, rumicunahuan shitashun nicurca. Davidca yallitami llaquilla carca, shina cashpapish Mandac Diospi shunguta churashpami sinchiyarca.