JUECES 18:17 - Dios Rimashcata Quillcashcami

¹⁷ Chai levita cura macanacuna apashca sucta patsac soldadocunahuan pungu yaicunapi shayacucpica llactata puringapac ric pichca soldadocunaca Micaiaspac huasiman yaicushpami huasipi charina dioscunatapish, cullquita yacuyachishpa, caspita llacllashpa ruhuashca diostapish, aparca.

JUECES 18:17 Iomraidhean Croise

GÉNESIS 31:19

Labán ovejacunata rutungapac ricpimi, Raquelca paipac taitapac dioscunata shuhuarca.

GÉNESIS 31:30

Ña cambac taitapac huasita yuyarishpa, cutina munaita charishpaca, ¿ima nishpatac ñuca dioscunata shuhuamurcangui?— nirca.

ÉXODO 32:20

Chashna ruhuashpaca curimanta ruhuashca becita ninapi rupachishpa, ñutuchishpami polvota ruhuarca. Chai polvotaca yacupi churashpami, israelcunaman ubiachirca.

ISAÍAS 41:29

Riquichic, tucui paicunaca yangallami. Paicuna maipi imata ruhuashcapish mana ricurinchu. Imatapish yacuyachishpa ruhuashca dioscunaca huaira shina yangallami.

ISAÍAS 46:7

Chai diostaca huandushpami shuc pushtupi churan. Chaimantaca mana cuyurinchu. Maijan ima llaquimanta quishpichichun mañacpipish, mana quishpichinchu.

EZEQUIEL 21:21

Babilonia llactata jatun mandacca yachaccunaman tapungapacmi ishcai ñan callaripi shayarirca. Paica flechata cuyuchishpa, paipac ruhuashcalla dioscunaman tapushpa, animalpac shungupi ricushpami, maita rinata yacharca.

OSEAS 3:4

Unaitami israelcunaca jatun mandactapish, quipa mandactapish mana charinga. Shinallatac rumi dioscunapish, efod nishcapish, Terafín dioscunapish, Diosman animalta cushpa huañuchinapish mana tiyangachu.

MIQUEAS 5:13

Rumimanta ruhuashca dioscunatapish, imaman ricchac dioscunatapish cancunapac chaupillapitacmi tucuchisha. Shina ruhuacpimi, cancuna ruhuashca dioscunapac ñaupapica mana ashtahuan cumuringuichic.

JUECES 18:14

Chaiman chayashpaca Lais llacta muyundita ricungapac ric pichca runacuna paicunapac huauquicunaman parlashpaca: —Caipica shuc efodpish huasipi charina dioscunatapish, cullquita yacuyachishpa, caspita llacllashpa ruhuashca diospish tiyanmi. Chaicunataca ¿Imatatac ruhuagringuichic?— nirca.

JUECES 18:16

Danpac aillumanta sucta patsac soldadocunaca macanacunata apashcami pungu yaicunapi shayacurcacuna.

JUECES 18:18

Shinami chai runacunaca Micaiaspac huasiman yaicushpa huasipi charina dioscunata, cullquita yacuyachishpa, caspita llacllashpa ruhuashca diostapish, efodtapish, apacucta ricurca. Shina ricushpami chai curaca: —¿Imatatac ruhuacunguichic?— nirca.

JUECES 18:2

Shina mashcacushpami Dan aillupac miraicunaca pichca runacunata allpata ricushpa, ricsishpa shamuchun cacharcacuna. Paicunaca Zora pueblomanta, Etaol pueblomanta paicunapac aillupura alli sinchi runacunatami cacharca. Chashna cachashpaca: —Chai llacta ima shina cashcata ricumugrichic— nirca. Chai runacunaca Efraín urcuman chayashpami Micaiaspac huasipi pacarirca.

JUECES 6:31

Chaimantami Joasca paipac ñaupapi caccunataca: —¿Cancunachu Baalmanta shayarishpa misashun ninguichic? Maijanpish Baal diosmanta shayarishpa misacca cunan tutamantallatac huañuchun. Baal ciertotac dios cashpaca paillatac paipac altarta misachun— nirca.

1 SAMUEL 19:13

Chai quipami Micalca ruhuashcalla shuc diosta japishpa chivo millmamanta ahuashcata saunachishpa, catachishpa Davidpac camapi churarca.

1 SAMUEL 4:11

Diospac Arcata quichushpami, Elipac churicuna, Ofnitapish, Fineastapish huañuchirca.