JUECES 18:15 - Dios Rimashcata Quillcashcami

¹⁵ Chaiman rishpaca Micaiaspac huasipi causac levita mosopacman cuchuyashpami saludarca.

JUECES 18:15 Iomraidhean Croise

GÉNESIS 37:14

Chashna nicpimi, taita Israelca: —Cunanca, cambac huauquicunatapish, ovejacunatapish ima shina cashcata ricushpa, ñucaman huillangapac cutimugri— nirca. Chashna nishpami, taita Israelca paipac churi Josetaca Hebrón pambamantaca Siquemman cacharca.

GÉNESIS 43:27

Chashna cumuricpica, Joseca paicuna ima shina cashcata tapushpaca: —¿Cancuna parlashca yuyac taitaca causacunracchu? ¿Allillachu causacun?— nishpa tapurca.

2 REYES 4:26

Cunanca, paita tupangapac callpai. Paita tupashpaca: “¿Allillachu cangui? ¿Cambac cusapish allillachu? ¿Cambac huahuapish allillachu?” ningui— nirca. Shina nicpi, chai huarmica: —Allillami canchic— nirca.

SAN JUAN 14:27

Sumac cushicui causaitami cuni, sumac cushicui causaitami saquini. Ñucaca mana gentecuna cushca cushi causaitachu cuni. Chaimanta ama llaquirichicchu, ama manchaichicchu.

JUECES 18:14

Chaiman chayashpaca Lais llacta muyundita ricungapac ric pichca runacuna paicunapac huauquicunaman parlashpaca: —Caipica shuc efodpish huasipi charina dioscunatapish, cullquita yacuyachishpa, caspita llacllashpa ruhuashca diospish tiyanmi. Chaicunataca ¿Imatatac ruhuagringuichic?— nirca.

JUECES 18:16

Danpac aillumanta sucta patsac soldadocunaca macanacunata apashcami pungu yaicunapi shayacurcacuna.

1 SAMUEL 17:18

Shinallatac chunga quesellota huaranga soldadocunata mandacman apai. Cambac huauquicuna ima shina cashcata ricumungui. Paicuna alli cashcata yachangapacca imallatapish paicunapacta apamungui— nirca.

1 SAMUEL 17:22

Davidca pai imalla apashcacunata micunatapish, macanacunatapish cuidac runaman saquishpami soldadocunapacman callpashpa rishpa, paipac huauquicunataca: “¿Allillachu canguichic?” nirca.