JUECES 17:5 - Dios Rimashcata Quillcashcami

⁵ Chai Micaiasca dioscuna tiyana huasitami charirca. Shinallatac efodta, huasipi charina dioscunatapish ruhuachishpami paipac churicunamanta shuc churita acllashpa cura cachun churarca.

JUECES 17:5 Iomraidhean Croise

GÉNESIS 31:19

Labán ovejacunata rutungapac ricpimi, Raquelca paipac taitapac dioscunata shuhuarca.

GÉNESIS 31:30

Ña cambac taitapac huasita yuyarishpa, cutina munaita charishpaca, ¿ima nishpatac ñuca dioscunata shuhuamurcangui?— nirca.

1 REYES 12:31

Shinallatac Jeroboamca dioscunapac huasicunata lomacunapi ruhuashpami, manapish levitapura cac gentecunata curacuna cachun churarca.

1 REYES 12:32

Chai huatapac pusac quilla chunga pichca punzhapimi Jeroboamca Judá llactapi jatun fiestata ruhuashca shinallatac fiestata ruhuarca. Shinallatac Bet-el puebloman rishpami, chai becicunaman animalta cushpa altar jahuapi huañuchirca. Chai dioscunapac ruhuashca huasicunapipish curacunatami churarca.

ESDRAS 1:7

Shinallatac jatun mandac Ciropish Nabuconodosor Jerusalenpi cac Mandac Diospac huasimanta aparishcacunatapish cutichircami. Chaicunataca paicunapac dioscunapac ñaupapimi charicurca.

ÉXODO 24:5

Chai quipaca israelpuramanta maijan mosocunatami Mandac Dios-huan alli tucungapac shuc maltón huagrata huañuchishpa, rupachichun cacharca.

ÉXODO 28:15

Chashnallatac allita ricushpa mandacucta ricuchic pectoraltapish sumacta bordashpa ruhuangui. Efodta ima shinami curihuan, azul morado, sani puca, lino puchcahuan ruhuarcangui, chashnallatac chaitapish ruhuangui.

ÉXODO 28:4

Cai churanacunata ruhuangui: Pectoraltapish, efodtapish, tunicatapish, cuadrado churanatapish, mitratapish shinallatac chumbitapish ruhuangui. Cura tucushpa, ñucata servichun, cambac huauqui Aaronmanpish, paipac churicunamanpish ñucapaclla chicanyachishca churanacunata ruhuachingui.

ÉXODO 29:9

Aarontapish, paipac churicunatapish chumbihuan huatachishpa, mitrata churachingui. Chashna ruhuacpimi, huiñaita ñucapaclla cura cachun mandashca canga.

ISAÍAS 44:13

Carpinteroca caspipi shuc reglata churashpami lapiz-huan señalan. Chai quipaca cepillohuan llambushpami compas-huan runaman ricchata ruhuashpa, huasipi churan.

EZEQUIEL 21:21

Babilonia llactata jatun mandacca yachaccunaman tapungapacmi ishcai ñan callaripi shayarirca. Paica flechata cuyuchishpa, paipac ruhuashcalla dioscunaman tapushpa, animalpac shungupi ricushpami, maita rinata yacharca.

EZEQUIEL 21:26

Mandac Diosca: ¡Turbantetapish, coronatapish anchuchi! ¡Ña mana ashtahuan churaringuichu! Yangalla gentecunami jatunyachishca canga. Jatun tucushca gentecunaca pingaichishcami canga.

OSEAS 3:4

Unaitami israelcunaca jatun mandactapish, quipa mandactapish mana charinga. Shinallatac rumi dioscunapish, efod nishcapish, Terafín dioscunapish, Diosman animalta cushpa huañuchinapish mana tiyangachu.

OSEAS 8:14

Israelcunaca paicunata Ruhuac ñucata cungarishpami, mandana huasicunatarac ruhuarca. Judá llactapi causaccunaca muyundita pircashca llactacunatami achcata ruhuarca. Shina cacpipish, chai llactacunapi ñuca ninata japichicpimi, mandana huasicunapish tucui tucuringa» nircami.

NÚMEROS 3:10

Curacuna ruhuana cashcataca Aaronman, paipac churicunaman mingangui. Chaiman pipish yaicushpaca huañungami» nirca.

HEBREOS 5:4

Pipish, pai quiquinllatac mana jatun mandac cura tucunchu, ashtahuanpish Dios acllashcacunallami jatun mandac cura tucun. Chashnami Diosca Aarontaca acllarca.

JUECES 17:4

Shina nicucpipish paica cutichircami. Mamaca ishcai patsac siclos cullquita japishpami cullquita yacuyachic runaman curca. Paimi chai cullquita yacuyachishpa shuc diosta ruhuarca. Chai diostaca Micaiaspac huasipimi churarca.

JUECES 18:14

Chaiman chayashpaca Lais llacta muyundita ricungapac ric pichca runacuna paicunapac huauquicunaman parlashpaca: —Caipica shuc efodpish huasipi charina dioscunatapish, cullquita yacuyachishpa, caspita llacllashpa ruhuashca diospish tiyanmi. Chaicunataca ¿Imatatac ruhuagringuichic?— nirca.

JUECES 18:24

Shina nicpimi Micaiasca: —Ñuca ruhuashca dioscunatapish, ñucapac curatapish cancuna apacpica, ¿Ñucamanca imatac saquirin? ¿Chashna apashca jahuachu cancunaca: “¿Imatac tucunguichic?” nishpa tapunguichic?— nirca.

JUECES 18:30

Chai pueblopimi Danpac aillucunaca alli ningapac caspita llacllashpa diosta ruhuarcacuna. Paicunapac cura cachunca Moisespac churi Gersón runapac churi Jonatantami cura cachun churarca. Chashnami paipish, paipac churicunapish Danpac aillucunamantaca israelcunata prezu apai punzhacunacaman cura carca.

JUECES 8:27

Chai tandashcahuanca Gedeonca shuc efodta ruhuashpami paipac causana Ofra pueblopi churarca. Chai puebloman rishpa, chai Ofra diosta mañashpami israelcunaca huainayarcacuna. Shinami Gedeontapish, paipac familiatapish tucllapi urmachic shina pandachirca.

1 SAMUEL 19:13

Chai quipami Micalca ruhuashcalla shuc diosta japishpa chivo millmamanta ahuashcata saunachishpa, catachishpa Davidpac camapi churarca.

1 SAMUEL 23:6

Ahimelecpac churi Abiatar miticushpa Davidta catishpa Keila puebloman rishpaca efod churanata apashpami rirca.