JUECES 17:2 - Dios Rimashcata Quillcashcami

² Chai runami paipac mamataca: —Canca chai huaranga shuc patsac siclos cullquita shuhuachishpaca ñucapac ñaupapimi maldiciashpa rimarcangui. Chai cullquitaca ñucami shuhuashpa charicuni— nirca. Shina nicpimi, paipac mamaca: —¡Ñuca huahualla, Mandac Dios bendiciachun!— nirca.

JUECES 17:2 Iomraidhean Croise

GÉNESIS 14:19

llucchishpaca: «Jahua pachata, cai pachata ruhuac Dios canta bendiciachun.

NEHEMÍAS 13:25

Chaimantami paicunata sinchita rimashpa, paicunata maldiciarcani. Maijancunataca huactarcani, acchatapish pitircani. Chai quipami paicunataca: «¡Cancunapac ushicunataca paicunapac churicunahuanca ama cazarachinguichicchu! ¡Cancunapac churicunapac huarmi cachunpish paicunapac ushicunataca ama apamunguichicchu!

SALMOS 10:3

Millaita ruhuacca paipac shungu munashcata ruhuashpami cushicun. Charinallata munactaca alli ninmi, Mandac Diostaca mana ricunayachinchu.

ÉXODO 20:7

Mandac Dios ñucapac shutipi ama yanga ari ninguichu. Maijanpish ñuca shutipi yanga ari nicca llaquichishcami canga.

PROVERBIOS 28:24

Taita mamapacta shuhuanaca allimi nic runaca imatapish tucuchic runahuan apanacucmi.

JEREMÍAS 48:10

¡Mandac Dios ruhuachun nishcata mana alli ruhuacca mana alli nishca cachun! ¡Jatun macanacuita cachacpi, mana huañuchishpa cutic runapish mana alli nishca cachun!

SAN MATEO 26:74

Shina nicpimi, cutinllatac Pedroca: —¡Pimantatacpish rimacunguichicchari! ¡Chai runataca mana ricsinichu! Ñuca llullacucpica, Diosllatac llaquichichun— nirca. Chai ratollatacmi galloca cantarca.

ROMANOS 9:3

Ñuca quiquin aillucunapac randi, ñucallatac Cristomanta anchurishpa, llaquichishca canatami munaiman.

1 CORINTIOS 16:22

Maijanpish Apunchic Jesusta mana cuyactaca, llaquichishca cachun. ¡Ñucanchic Apunchic Jesús, shamuilla!

DEUTERONOMIO 27:16

Cutin: “¡Taita mamata mana ricunayachicca, llaqui tucushca cachun!” nicpica, tucui gentecunami: “¡Chashna cachun!” ninga.

2 JUAN 1:11

Ashtahuanpish chashna «alli shamushcami cangui» nishpaca, mana alli ruhuaccunapurami tucunguichic.

JUECES 17:1

Efraín urcupimi shuc runa tiyarca. Paica Micaías shutimi carca.

JUECES 17:3

Micaías paipac mamaman chai huaranga shuc patsac siclos cullquita cutichicpimi mamaca: —Chai cullquitaca canmantami Mandac Diosman chicanyachircani. Cai cullquita labrashpa, yacuyachishpa shuc diosta ruhuachunmi cugricurcani. Cunanca canllatac japilla— nirca.

JUECES 5:23

Mandac Diospac angelca: “¡Meroz pueblopi causaccunataca maldiciashca cachun!” nirca. Mandac Dios paipac sinchi runacunata macanacucucpi mana ayudangapac shamushcamanta “sinchita maldiciashca cachun” nirca.

RUT 3:10

Shina nicpimi Boozca: —Ñuca huahualla, cantaca Mandac Dios bendiciachun. Cunan can ruhuashpaca puntapi ruhuashcata yallimi allita ruhuashcangui. Mosocunataca charictapish, mana charictapish mana mashcangapac rishcanguichu.

1 SAMUEL 14:24

Shina macanacuita mishashca cacpipish Saulca: «Ñucaca, ñucata piñaccunata paicuna llaquichishca shina, manarac tutayacpi llaquichingacaman mana micushachu. Maijanpish micuctaca mana alli nishcami canga» nishpami ari nichishca carca. Chaimantami tucui gentecuna imatapish mana micushpa yalli yarcaihuan huañunalla carca.

1 SAMUEL 14:28

Chashna ruhuacpimi, paicunapuramanta shuc runaca: —Cambac taitami soldadocunataca: “Maijanpish micuctaca mana alli nishcami canga” nishpami ari nichirca. Chaimantami soldadocunaca yarcaihuan huañunalla canchic— nirca.

1 SAMUEL 15:13

Samuel Saulpacman chayacpimi paica: —¡Cantaca Mandac Dios bendiciachun! Mandac Dios mandashcataca ñami pactachini— nirca.

1 SAMUEL 23:21

Shina nicpimi Saulca: —Cancuna ñucata llaquishpa, huillangapac shamushcamantaca Mandac Diosllatac bendiciachun.

1 SAMUEL 26:19

Jatun mandac ñuca amolla, canta servic ñuca rimashcata uyai. Mandac Diosllatac ñucata llaquichichun canta yuyachicushpaca, ofrendata chasquichun. Ashtahuanpish runacunalla yuyaita cucucpica, Mandac Diosllatac yallita llaquichichun. Paicunami Mandac Dios cushca llactata ama ñuca japichun: “¡Shuc dioscunata servingapac ri!” nirca.