JUECES 15:5 - Dios Rimashcata Quillcashcami

⁵ Chaimantaca añascunapi ninata japichishpami filisteocunapac chagra chaupita cacharca. Shinami gavillacunatapish, trigo chagratapish, uvas chagratapish, olivos chagracunatapish rupachirca.

JUECES 15:5 Iomraidhean Croise

2 SAMUEL 14:30

Chaimantami Absalonca paita serviccunata cayashpaca: —Riquichic, Joabpac chagracunaca ñuca chagra cuchullapitacmi can. Paica cebada chagratami charin. Chaiman rishpa ninata japichigrichic— nirca. Shina nicpimi, Absalonta serviccunaca Joabpac chagrata rupachirca.

ÉXODO 22:6

Maijanpish pucuc yurata, mana cashpaca cosechana chagrata, mana cashpaca gavillata rupachishpaca, rupachishcamantaca cutichinami can.

ÉXODO 23:11

Canchisniqui huatapica cambac llactamanta huacchacuna, sacha animalcuna micuchunmi saquina cangui. Chashnami uvas chagratapish, olivos yuracunatapish ruhuana cangui.

JUECES 15:4

Sansón chaimanta rishpaca quimsa patsac añascunata japishpami chupapura ishcai ishcaita huatarca. Chashna huatashpami chai huatashca chupacunapi antorchata huatarca.

JUECES 15:6

Chaimantami filisteocunaca: —¿Pitac caitaca ruhuarcayari?— nishpa tapunacurca. Shina tapunacushpami: —Sansonmi Timnat pueblomanta runa paiman ushita mana cazarachun cushpa paipac ricsishcaman cushcamanta chashna ruhuashca— nirca. Chaimantami filisteocunaca chai huarmitapish paipac taitatapish rupachirca.