JUECES 15:19 - Dios Rimashcata Quillcashcami

¹⁹ Chaimantami Diosca chai Lehi pambapi tiyac pugrupi yacuta llucchirca. Chai yacuta ubiashpami Sansonca cutin sinchiyarca. Chaimantami chai yacu tiyac pushtutaca En-hacoreta shutichirca. Chai yacuca cunancamanmi tiyan.

JUECES 15:19 Iomraidhean Croise

GÉNESIS 16:13

Agarca paihuan rimacuc Mandac Diostaca: «Ñucata ricuc Diosmi cangui» nishpami shutichirca. Shinallatac: «Chaica, ¿manachu ñucata ricuc Diosta ricuni?» nirca.

GÉNESIS 28:19

Shina ruhuashpami, Jacoboca chai pambataca Bet-eltami shutichirca. Ñaupaca chai pambapi tiyac puebloca Luz shutimi carca.

GÉNESIS 30:30

Ñuca manarac shamucpica, ashallatami charircangui. Cunanca achcami mirashca. Ñuca shamushcamantami Diosca achcata bendiciashca. Shina cacpica, ¿ima horatac ñuca familiamanca trabajashayari?— nirca.

GÉNESIS 45:27

Jacobomanca José nishca shinallatacmi paicunaca tucui huillarca. Jacoboca paita apachun, José cachashca carretacunata ricushpami, paipac shungupica cushicurca.

SALMOS 110:7

Jatun mandacca ñanpi yacuta ubiashpami cutin fuerzata japinga.

SALMOS 120:1

Llaquihuan cashpa Mandac Diosta mañacpica, paica cutichircami.

SALMOS 34:6

Cai huaccha runa caparishpa mañacpica, Mandac Diosca uyashpami tucui llaquicunamanta llucchirca.

SALMOS 50:15

Llaqui punzhacunapi cashpa, ñucata mañangui. Ñuca llaquimanta llucchicpica, ñucata alli ningui» ninmi.

ÉXODO 17:15

Chai quipaca Moisesca chaipi shuc altarta ruhuashpami “Mandac Diosca ñuca banderami” nishpa shutichirca.

ISAÍAS 40:26

Cai tucuita ruhuashcata cancunapac ñahuita alzashpa ricuichic. Paimi tucui ima tiyashcatapish yupashpa yachan. Paimi tucuita shutipi cayan. Pai cayacpica, shucllapish mana illangachu. Paica, chashna tucuita ruhuai pudic cashpami, tucuita mandan.

ISAÍAS 40:29

Shaicushcacunamanpish paimi fuerzata cun. Fuerza illaccunataca sinchiyachinmi.

ISAÍAS 44:3

Ñucami chaquishca pambapi tamyachishpa, jatun yacucunata ruhuasha. Cancunapac huahua huahuacunaman ñuca Espirituta cachashami. Paicunapac huahuacunata bendiciashami.

NÚMEROS 20:11

Chashna nishpami, Moisesca maquita alzashpa, paipac varahuan ishcai cutin rumi quingraipi huactarca. Chashna huactacpica, achca yacumi llucshirca. Chai yacutami tandanacushca israelcunapish, paicunapac animalcunapish ubiarca.

JUECES 15:9

Filisteocunaca Judá aillupacman huichai rishpami, Lehi lomacaman carpa huasita shayachishpa tiyarirca.

1 SAMUEL 30:12

Shinallatac higo chaquishcamanta ruhuashca asha tandatapish, shinallatac chaquishca ishcai caspa uvastapish cararcami. Ña chaita micushca quipami paica sinchiyarca. Paica quimsa punzha, quimsa tutatami mana micushca, yacutapish mana ubiashca carca.