JUECES 15:14 - Dios Rimashcata Quillcashcami

¹⁴ Lehi lomaman Sansonhuan chayacpica, filisteocunaca munai cushicushpa caparinacushpami tupangapac llucchircacuna. Shina llucshicpimi Mandac Diospac Espíritu Sansonpacman shamurca. Chaimantami Sansonpac rigra huatashca huascacunaca rupashca lino puchca shina pitirinacushpa maquimanta urmarca.

JUECES 15:14 Iomraidhean Croise

JOB 20:5

Mana allita ruhuaccunapac cushicuica utcami tucurin, Diosta mana manchac runapac cushicuipish ashacamallami can.

SALMOS 118:11

Muyundita shayarishpami ñucata ricurcacuna. Shina cacpipish, Mandac Diospac shutipimi tucuchircani.

SALMOS 18:34

Paimi jatun macanacuipi macanacuchunpish ñuca rigracunata yachachin. Chashna yachachicpimi, bronce arcotapish cachari pudini.

ÉXODO 14:3

Faraonca israelcunamantaca: ‘Chai shitashca pambapimi chingarishpa, maita mana ri pudishpa puricunga’ ninga” ningui.

ÉXODO 14:5

Egipto llactata jatun mandacman israelcuna miticushpa rishcataca huillacpica, Faraonpish, paita serviccunapish shungupi piñarishpami: «¿Ima nishpatac israelcuna ñucanchicta servinata saquishpa richunca saquircanchic?» nirca.

MIQUEAS 7:8

Ñucata piñaclla, ñucamanta ama cushicuichu. Ñucaca urmashpapish jatarishallami. Ñuca pura tutapi causacucpica, Mandac Diosmi achicyachinga.

ZACARÍAS 4:6

Shina nicpimi paica: «Tucuita Mandac Diosca Zorobabeltaca: “Caitaca mana soldadocunahuan, mana sinchi cashcahuanchu mishangui. Ashtahuanpish ñuca Espirituhuanmi mishangui.

FILIPENSES 4:3

Shinallatac can ñucahuan Diospacta ruhuacuc huauquitapish: “Chai panicuna alli tucuchun rimashpa cui” ninimi. Chai panicunaca huauqui Clementendi, shinallatac caishuc huauquicunandicmi pi imata nicucpipish, mana manchashpa alli huillaitaca ñucahuan pacta huillarcacuna. Paicunapac shuticunaca huiñaita causangapac rina libropimi quillcashca tiyacun.

JUECES 14:19

Mandac Diospac Espíritu paipacman shamucpimi, Sansonca Ascalón puebloman urai rishpa, quimsa chunga filisteocunata huañuchishpa paicuna charishcata quichushpa, bodapi churanata imashi imashita huillaccunaman curca. Quipaca yallita piñarishpami paipac taitapac huasiman cutirca.

JUECES 14:6

Mandac Diospac Espíritu Sansonpacman shamucpimi, shuc malta chivota huañuchic shina maquillahuan pitinacurca. Shina ruhuashcataca paipac taita mamamanca mana parlarcachu.

JUECES 15:13

—Mana, mana huañuchishunchu, ashtahuanpish canta alli huatashpami, filisteocunapac maquipi churashun— nircacuna. Shinami Sansontaca ishcai mushuc huascacunahuan huatashpa, quingraipi tiyac machaimanta llucchircacuna.

JUECES 15:9

Filisteocunaca Judá aillupacman huichai rishpami, Lehi lomacaman carpa huasita shayachishpa tiyarirca.

JUECES 16:12

Shina nicpimi Dalilaca, mushuc huascata japishpami huatarca. Chashna huatashpaca: —¡Sansón, filisteocunaca canta japigricunca!— nishpa caparirca. Shina caparicpi, Sansonca paipac rigrapi huatashca huascataca puchcata shinami pitirca.

JUECES 16:24

Chaita tucui gentecuna ricushpami, paicunapac diosta alli nishpaca: «¡Ñucanchic diosmi ñucanchicta piñac, ñucanchic llactata llaquichicta ñucanchic maquipi churashca. Paimi ñucanchicpura gentecunataca yallita huañuchirca!» nircacuna.

JUECES 16:9

Chai huarmica tauca runacunatami chai ucupi pacashpa charicurca. Chashna charicushpami paica: —¡Sansón, filisteocunaca canta japigricunca!— nishpa caparirca. Shina caparicpimi Sansonca paita huatashca angucunataca nina puchcata rupachic shina pitirca. Filisteocunaca Sansón ima shina yalli fuerzata charishcata mana yacharcacunachu.

JUECES 3:10

Otonielca Mandac Diospac Espíritu japicpimi, israelcunapac juez tucushpa macanacungapac llucshirca. Mandac Diosca Siria llactata jatun mandac Cusan-risataimta paipac maquipi churacpimi, Cusan-risataimtaca atirca.

JUECES 5:30

“¿Manachu macanacushpa imata japishca canga? ¿Manachu chaita macanacucpura chaupinacunga? Macanacuc caricunamanmi shuc solterata mana cashpaca ishcaita cada shucman cucunga. Sisaramancarin sumac color churanatami cucunga. Mishaccunamanca tucuilaya shuc shucta, mana cashpaca ishcai ishcaitami bordashca bufanda Sisaramanca cucunga.

1 SAMUEL 10:10

Paicuna chai lomaman chayacpica, Dios ima nishcata huillac runacunami tandanacushpa Saulta tupangapac llucshirca. Chaipimi Diospac Espíritu jatun poderhuan Saulpacman shamucpi, paicuna shinallatac Dios ima nishcata huillai callarirca.

1 SAMUEL 10:6

Shina tupashpaca Mandac Diospac Espíritu jatun poderhuan cambacman shamucpimi, canpish paicuna shinallatac huillangui. Shinallatac shuctac runami tucungui.

1 SAMUEL 11:6

Shina nishcata Saúl uyacpimi, Diospac Espirituca Saulpacman shamurca. Shina shamucpimi, paica nina japiric shina yallita piñarirca.

1 SAMUEL 17:35

cati rishpami chugrichishpa shimimanta quichuc carcani. Shina quichucpi, ñucata caningapac shamucpica, jazhamanta japishpami huactashpa huañuchic carcani.

1 SAMUEL 4:5

Carpa huasicunaman Dios ari nishca quillcata huacaichina Arca chayacpica, tucui israelcunami yallita cushicushpa, allpa chucchucta caparirca.