JUECES 14:3 - Dios Rimashcata Quillcashcami

³ Shina nicpimi, paipac taita mamaca: —¿Can manapish circuncisionta ruhuashca, filisteopuramanta huarmihuan cazaranapac randica manachu ñucanchic aillupurapi, ñucanchic pueblopica huarmi tiyan?— nirca. Shina nicpimi, Sansonca taitataca: —Chai huarmitami munani, paihuan cazarachilla— nirca.

JUECES 14:3 Iomraidhean Croise

GÉNESIS 13:8

Chashna cacpimi, shuc punzha Abramca Lotta cayashpaca: «Ñucanchicca huasi ucupurami canchic. Ñucanchicpura mana piñanacunachu canchic. Shinallatac ñuca michiccunapish cambac michiccunahuan mana piñanacunachu can.

GÉNESIS 21:27

Shina nicpimi, Abrahamca ovejacunatapish, vacacunatapish Abimelecman curca. Chai shina ruhuashpami, ishcaimanta mana piñanacungapac ari ninacurca.

GÉNESIS 34:14

—Mana circuncisionta ruhuashca runamanca ñucanchic panitaca mana cui pudinchicchu. Chashna cucpica, ñucanchicmanca pingaimi canga.

2 SAMUEL 1:20

Gat pueblopi causaccunamanpish, Ascalón pueblo plazapipish, ama parlanguichicchu. Filisteocunapac, circuncisionta mana ruhuashca huarmicuna ama cushicuchun.

JOSUÉ 23:12

Diosmanta anchurishpa, chai saquirishca cancunapac chaupipi causac gentecunahuan tandanacushpa, chai huarmicunahuan cazarashpa, paicunahuan familia tucucpica,

JUECES 14:2

Huasiman cutishpa paipac taita mamaman parlashpaca: —Timnat pueblopimi filisteocunapac ushita ricurcani. Ñucata paihuan cazarachichic— nirca.

JUECES 15:18

Sansonca yallita yacunayaihuan cashpami Mandac Diostaca: —¿Canta servicpac maquihuan jatunta quishpichishca jahuachu cunanca yacunayaihuan mana circuncisionta ruhuashcacunapac maquipi huañuchun saquingui?— nirca.

1 SAMUEL 14:6

Jonatanca paipac escudota apac runataca: —Circuncisionta mana ruhuashca soldadocunapac ladoman pasashun. Mandac Diosca ñucanchicta ayudangapishchari. Mandac Diospacca imapish mana sinchichu. Ñucanchic achca cacpipish ashalla cacpipish paica mishachingami— nirca.

1 SAMUEL 17:26

Shina cacpimi, Davidca paipac ladopi caccunataca: —Cai filisteo runata huañuchishpa, israelcunata llaquichishpa rimacta tucuchicpica, ¿imatatac cunga? Causac Diospac soldadocunata llaquichic mana circuncisionta ruhuashca filisteo runaca, ¿imatacyari?— nirca.

1 SAMUEL 17:36

Canta servic ñucaca leonta cashpa, osota cashpa huañuchicllami carcani. Circuncisionta mana ruhuashca filisteo runaca causac Diospac soldadocunatami rimashpa llaquishca. Chaimanta paitapish chai animalta shinallatacmi huañuchisha— nirca.

1 SAMUEL 31:4

Chaimantami Saulca paipac escudota apac runataca: «Cambac espadata llucchishpa, ñucata huañuchi. Circuncisionta mana ruhuashca chai runacuna shamushpa, ñucata huañuchishpa, asichunca mana munanichu» nirca. Shina nicpi, paipac escudota apac runaca yallita manchashpami, mana huañuchisha nirca. Chaimantami Saulca paipac espadallatatac japishpa, paillata huañurca.