JUECES 14:16 - Dios Rimashcata Quillcashcami

¹⁶ Chaimantami Sansonpac huarmica paipac ñaupapi huacashpaca: —Ñucata cuyanapac randica piñashpallami puringui, ñuca llactapi causaccunaman imashi imashita huillashpapish chai ima nisha nicushcataca mana ñucaman huillashcanguichu— nirca. Shina nicpimi Sansonca: —Ñuca taitamanpish, mamamanpish mana huillashcanichu. Shina cashpaca maitatac canmanca huillashayari— nirca.

JUECES 14:16 Iomraidhean Croise

GÉNESIS 2:24

Chaimantami carica taita mamata saquishpa, paipac huarmihuan tandarishpa, shuclla tucunga.

JUECES 14:17

Shinami Sansonpac huarmica chai canchis punzha fiestacunapi huacacurcalla. Shina huacacucllapimi canchis punzhapica imata nisha nicushcataca huillarca. Chashna huillacpimi, huarmica chai pueblopi causaccunaman huillarca.

JUECES 16:15

Shina ruhuacpi Dalilaca: —¿Manapish ñucapi shunguta churashpaca ima shinatac cantaca cuyanimi ningui? Caihuanca ña quimsa cutinmi ñucata burlashpa can ima shina yallita fuerzata charishcataca mana huillashcangui— nirca.

JUECES 16:16

Punzhanta chashna tapucucllapimi Sansonca, yallita shungupi nanarishpa huañunalla tucurca.