JUECES 14:15 - Dios Rimashcata Quillcashcami

¹⁵ Shina cashpami ña chuscu punzha tucucpi, Sansonpac huarmitaca: —Cai imashi imashi imata nisha nicushcata cambac cusaman ima shinapish tapui. Mana cashpaca cantapish, taitapac huasi ucupuratapish rupachishunmi. Cancunaca ñucanchic charishcata quichungapacllami cayashcanguichic— nirca.

JUECES 14:15 Iomraidhean Croise

PROVERBIOS 1:11

Canta: “Ñucanchic-huan jacu, tucllata churashpa mana faltayuc runata, pacalla chapashpa huañuchingapac

PROVERBIOS 5:3

Huainayac huarmipac shimica bunga mishqui llucshicuc shinami. Pai rimashcaca aceitetapish yalli ñutunllami.

PROVERBIOS 6:26

Cullquimanta huainayac huarmihuan puric runaca, pitishca tanda shinami saquiringa. Cusayuc huarmihuan puric runaca paipac valishca causaitami chingachin.

MIQUEAS 7:5

Ricsishca runa ima nishcata ama cringuichu. Ama chai runapi shunguta churanguichu. Canhuan sueñuc huarmimantapish cuidaringui.

JUECES 12:1

Efraín aillucunaca tandanacushpami, Jordán yacuta pasashpa Zafón pambaman chayashpa Jeftetaca: —¿Ima nishpatac amonitacunahuan macanacungapac rishpaca mana ñucanchicta cayashpa rircangui? Chaimantami huasitaca candi rupachigrinchic— nirca.

JUECES 14:14

Shina nicpimi Sansonca: —Huañuchishpa micucmantaca micunami llucshirca. Sinchi cacmantaca mishquimi llucshirca— nirca. Chai imashi imashi imata nisha nicushcataca quimsa punzhacaman mana cutichi pudircacunachu.

JUECES 15:6

Chaimantami filisteocunaca: —¿Pitac caitaca ruhuarcayari?— nishpa tapunacurca. Shina tapunacushpami: —Sansonmi Timnat pueblomanta runa paiman ushita mana cazarachun cushpa paipac ricsishcaman cushcamanta chashna ruhuashca— nirca. Chaimantami filisteocunaca chai huarmitapish paipac taitatapish rupachirca.

JUECES 16:5

Chai huarmipacman filisteocunata pushaccuna rishpaca: —Sansontaca ima shinapish inquitashpa, ima shina yalli fuerzata charishcata, ima shina paita mishanata tapui. Chaita yachashpami, paitaca alli huatashpa mandashpa charichun. Canmanca ñucanchicca cada shucmi huaranga shuc patsac cullquita cushun— nircacuna.