Biblia Todo Logo
Bìoball air-loidhne

- Sanasan -




JUECES 14:12 - Dios Rimashcata Quillcashcami

12 Shina apamucpimi Sansonca: —Cunanca cai imashi imashitami huillagrini. Cancuna cai canchis punzha fiesta tucuringacaman cai imashi imata nisha nicushcata tarishpa huillacpica, ñucami quimsa chunga lino churanatapish, quimsa chunga bodapi churanatapish cusha.

Faic an caibideil Dèan lethbhreac




JUECES 14:12
22 Iomraidhean Croise  

Tucui paicunamanmi mushuc churanacunata cushpa, Benjaminmanca quimsa patsac cullquitapish, pichca mushuc churanatapish curca.


Sabá llactata jatun mandac huarmica Salomontaca Mandac Diospac shutimanta tucui alli nishpa parlanacucta uyashpami, mana cutichi pudipac tapuicunata tapushpa yachangapac shamurca.


Shina tapucpimi Giezica: —Allillami cani. Shina cacpipish, ñucata mandacmi: “Efraín urcumantami Dios ima nishcata huillaccunapac ishcai churi ñucapacman cunanlla chayamun. Paicunaman carangapacmi shuc talento cullquita, ishcai mushuc churanata cui” nichun cachan— nirca.


Shina nicpimi, Siria llactata jatun mandacca: —Shina cashpaca rilla. Ñucami Israel llactata jatun mandacman shuc quillcata cachagrini— nirca. Shina nicpimi, Naamanca chunga talento cullquita, sucta huaranga siclos curita, chunga mushuc churanata apashpa rirca.


Salomonca canchis punzhatami fiestata ruhuarca. Paihuanca Hamat puebloman yaicuna ladomantaca Egipto jatun yacu ladocamanmi achca israelcuna tandanacurca.


Yuyaita japina rimaicunahuan rimashcataca uyashami. Mana entendipac rimaicunataca arpapi tocashpami huillasha.


Yuyaita cuc, yachachishca rimaicunaca, yachaisapacuna rimashcatapish, yuyaita japina rimaicunatapish pi mana yachai tucushcatapish, yachangapacmi.


Baitacunata ahuashpami catun. Catushpa, randishpa puriccunamanmi chumbicunatapish achcata catun.


«Huañunalla runa, chimbapurashpa israelcunaman shuc parlota


Shina nicpimi ñucaca: «¡Mandac Dioslla! Paicunaca ñucataca: “Cai runaca chimbapurashca parlocunallatami parlashpa purin” nincunami» nircani.


Chaimantami paicunamanca chimbapurashpa parlani. Paicunaca ricushpapish, mana ricushca shina, uyashpapish mana uyashca shinami, mana entendincuna.


Jesusca tucui caicunataca, chimbapurashca parlocunallahuanmi yachachirca. Chashnaca,


Chaipimi soldadocunaca Jesuspac churanata surcuchishpa, amsa puca churanata pachallichirca.


Ama cai pachallapi chayuc canata munaichicchu. Chai charishcacunataca polillapish micunllami, ismunllami. Huasita jutcushpa shuhuanllami.


Jesús micungapac cayashcacuna punta tiyarinata mashcashpa tiyaricucta ricushpaca:


Shina nicpimi yachacuccunaca: —Cunanmi entendinallatac parlacungui, ashtahuanpish ña mana chimbapurashpachu parlacungui.


Cunanca espejopi amsa amsallata ricucushca shinami, ashallata yachanchic. Shina cashpapish shamuc punzhaca ima shina cashcatatac, ñahui ñahuimari ricushun. Cunanca chaitaca mana yachanichu. Shina cashpapish, ima shinami Dios ñucata ricsin, shinallatacmi shamuc punzhaca ricsisha.


Cancuna yallita charishcaca ismungami. Cancunapac churanacunatapish polilla curucunami micunga.


Filisteocunaca quimsa chunga quipa huiñaicunatami Sansonhuan cachun apamurcacuna.


Chai canchis punzha fiestapi ima nisha nicushcata mana huillashpaca cancunami quimsa chunga lino churanatapish, quimsa chunga bodapi churanatapish ñucaman cunguichic— nirca. Shina nicpimi paicunaca: —Imashi imashita huillai, uyashunllami— nirca.


Lean sinn:

Sanasan


Sanasan