JUECES 13:3 - Dios Rimashcata Quillcashcami

³ Mandac Diospac ángel chai huarmiman ricurishpaca: «Canca mana huahuata chari pudicmi cangui. Shina cashpapish cunanca huicsayuc tucushpami shuc huahuata charigringui.

JUECES 13:3 Iomraidhean Croise

GÉNESIS 17:16

Paita bendiciashpami, paimanta cari huahuata canman cusha. Ari, paitaca bendiciashatacmi. Chashna bendiciashca cashpami, llactacunapac mama tucunga. Llactata jatun mandaccunapish paimantami llucshinga— nirca.

GÉNESIS 18:10

Shina nicpimi paicunaca: —Cunan shina shamuc huatami caiman cutimusha. Chaica, chashnatacmi canga. Chai punzhami cambac huarmi Saraca shuc cari huahuata charinga— nirca. Chashna parlanacucuctaca Saraca Abrahampac huasha carpa huasi pungupimi uyashpa shayacurca.

GÉNESIS 18:14

Mandac Diosmanca, ¿imapish mana ruhuaipacca tiyanchu? Cunan shina shamuc huata ñuca cutimucpica, Saraca ñami shuc cari huahuata charinga— nirca.

2 REYES 4:16

Eliseoca: —Cai shamuc huata, cunan shina punzhapica shuc huahuatami marcashca cangui— nirca. Shina nicpi, chai huarmica: —¡Ñuca mandaclla, Diospac runalla! ¡Canta servic ñucataca ama yanga crichichu!— nirca.

SAN LUCAS 1:11

Mandac Dios cachashca angelmi altar alli ladopi shayacuc Zacariasman ricurirca.

SAN LUCAS 1:13

Ashtahuanpish angelca: —Zacarías, Diosca can mañashcata uyashcami. Ama mancharichu. Cambac huarmi Elisabetca cari huahuatami charinga. Chai huahuataca Juantami shutichingui.

JUECES 13:10

Chaimantami Manoapac huarmica utcashpa callpa rishpa paipac cusataca: «¡Uyai, sarun punzha ñucaman ricurishca runami cutin shamushca!» nishpa huillarca.

JUECES 13:15

Chaimantami Manoaca Mandac Diospac angeltaca: —Ñucanchic manadamanta shuc chivota huañuchishpa, canman yanungacaman ashata shuyai— nirca.

JUECES 13:6

Shina nicta uyashpami chai huarmi cusapacman rishpaca: «Diosmantami shuc runa ñucapacman shamurca. Pai Diospac ángel shina cacpimi manchashpa maimanta cashcatapish mana tapurcani. Paipish shutitaca mana huillarcachu.

JUECES 13:8

Chaimanta Manoa Mandac Diosta mañashpaca: «Ñuca Mandaclla, sarun cachashca cambac runata, chai huacharigricuc ñucanchic huahuata ima shina huiñachinata huillachun cutin cachaiyari» nirca.

JUECES 2:1

Mandac Diospac ángel Gilgal pueblomanta Boquim puebloman rishpami israelcunataca: «Ñucami Egipto llactamanta llucchishpa, cancunapac ñaupa taitacunaman cungapac ari nishca llactaman pushamurcani. Paicunamanmi ñucaca: “Ñuca cancunahuan ari nishcataca pactachishatacmi.

JUECES 6:14

Mandac Dios paipac ñahuita ricushpa rimashpaca: —Cambac tucui fuerzahuan rishpa, israelcunata madianitacunapac maquimanta quishpichigri. ¿Manachu ñuca cantaca cachani?— nirca.

1 SAMUEL 1:20

Chashnami Ana huicsayuc tucushpa, sajuarina punzha pactacpica, shuc cari huahuata sajuarirca. Chai huahuataca: «Mandac Diostami ñucaca mañarcani» nishpami Samuelta shutichirca.