JUECES 13:25 - Dios Rimashcata Quillcashcami

²⁵ Zora pueblohuan, Estaol pueblohuan tupanacuipi cac Danpac carpa huasipimi Sansontaca Diospac Espíritu japirca.

JUECES 13:25 Iomraidhean Croise

SAN MATEO 4:1

Chai quipaca, Diospac Espiritumi Jesustaca diablo shitashca pambaman pusharca. Chaipimi diabloca pandachisha nirca.

SAN JUAN 3:34

Dios cachashcami, Dios rimashcata riman. Diosca yallitami paipac Espirituta cushca.

JOSUÉ 15:33

Sefela jatun pambapi tiyac pueblocunaca Estaol, Zora, Asena,

JOSUÉ 19:41

Paicunapac pueblocunaca Zora, Estaol, Ir-semes,

JUECES 11:29

Mandac Diospac Espíritu japicpimi, Jefteca Galaad llactata, Manasés llactata rishpa, Galaad llactapi cac Mizpa pueblopi chayashpa, chaimantaca amonitacunahuan macanacugrirca.

JUECES 14:1

Sansonca Timnat puebloman urai rishpami, chai pueblopi filisteocunapac ushita ricurca.

JUECES 14:19

Mandac Diospac Espíritu paipacman shamucpimi, Sansonca Ascalón puebloman urai rishpa, quimsa chunga filisteocunata huañuchishpa paicuna charishcata quichushpa, bodapi churanata imashi imashita huillaccunaman curca. Quipaca yallita piñarishpami paipac taitapac huasiman cutirca.

JUECES 16:31

Chashna paipish huañucpimi huauquicunapish, paipac taitapac huasi ucupurapish shamushpa aparcacuna. Shina apashpaca Zora pueblo, Estaol pueblo chaupipi paipac taita Manoata enterrashca ladollapitacmi enterrarcacuna. Sansonca ishcai chunga huatatami israelcunata mandarca.

JUECES 18:2

Shina mashcacushpami Dan aillupac miraicunaca pichca runacunata allpata ricushpa, ricsishpa shamuchun cacharcacuna. Paicunaca Zora pueblomanta, Etaol pueblomanta paicunapac aillupura alli sinchi runacunatami cacharca. Chashna cachashpaca: —Chai llacta ima shina cashcata ricumugrichic— nirca. Chai runacunaca Efraín urcuman chayashpami Micaiaspac huasipi pacarirca.

JUECES 3:10

Otonielca Mandac Diospac Espíritu japicpimi, israelcunapac juez tucushpa macanacungapac llucshirca. Mandac Diosca Siria llactata jatun mandac Cusan-risataimta paipac maquipi churacpimi, Cusan-risataimtaca atirca.

JUECES 6:34

Chaipimi Gedeonta Diospac Espíritu japirca. Trompetapi pai tocacpica, Abiezer aillupuramantami paihuan ringapac shamurca.

1 SAMUEL 11:6

Shina nishcata Saúl uyacpimi, Diospac Espirituca Saulpacman shamurca. Shina shamucpimi, paica nina japiric shina yallita piñarirca.