JUECES 13:24 - Dios Rimashcata Quillcashcami

²⁴ Chai huarmica shuc cari huahuata sajuarishpami, chai huahuataca Sansonta shutichirca. Chai huahua huiñacpimi, Mandac Diosca bendiciarca.

JUECES 13:24 Iomraidhean Croise

SAN LUCAS 1:80

Chai huahuaca huiñashpami Diosmanta ashtahuan yachacushpa, israelcunaman huillana punzha pactangacaman shitashca pambapi causarca.

SAN LUCAS 2:52

Jesusca huiñashpa, ashtahuan yachac tucushpami catirca. Diospacpish, gentecunapacpish cuyashcami carca.

HEBREOS 11:32

Ashtahuanca, ¿imatatac nisha? Gedeonmantapish, Baracmantapish, Sansonmantapish, Jeftemantapish, Davidmantapish, Samuelmantapish, Dios ima nishcata huillaccunamantapish mana tucui parlai pudinichu.

1 SAMUEL 2:21

Anaman Mandac Dios allicunata cucpimi, huicsayuc tucushpa quimsa cari huahuata, ishcai huarmi huahuata charirca. Samuel huambraca Mandac Diospac ñaupapimi huiñarca.

1 SAMUEL 2:26

Ashtahuanpish Samuel huambraca ashtahuanmi huiñarca. Paica Diospac ñaupapipish, runacunapac ñaupapipish alli nishcami carca.

1 SAMUEL 3:19

Samuelca huiñarcami, Mandac Diospish paihuanmi carca. Chaimantami Dios rimashca shimicunata tucui pactachirca.