JUECES 13:20 - Dios Rimashcata Quillcashcami

²⁰ Diosman cushca altarpi nina culun nishpa huichai ricucpimi, Mandac Diospac angelca Manoapish, paipac huarmipish ricucucpi ninapi huichaiman rishpa chingarirca. Chaimantami paicunaca pambaman tuparicta cumurircacuna.

JUECES 13:20 Iomraidhean Croise

GÉNESIS 17:3

Shina nicpimi, Abramca pambacaman cumurirca. Shina cumuricpimi, Diosca:

2 REYES 2:11

Paicuna chashna parlanacushpa ricucllapitacmi, nina japiricuc caballocunaca nina japiricuc carretacunata aisashca shamushpa, paicunata chicanyachirca. Shina chicanyachicpimi, Eliasca acapana huairapi huichai rirca.

1 CRÓNICAS 21:16

David huichai ricushpaca, Mandac Diospac ángel cai pachahuan jahua pachahuan chaupipi shayacuctami ricurca. Shinallatac paipac maquihuanca espadata Jerusalén pueblo ladoman ricuchishpa charicuctami ricurca. Chaimantami Davidpish, israelcunata pushac yuyaccunapish sharpa churanata churarishpa allpacaman cumurirca.

1 CRÓNICAS 21:21

Shinallatac David Ornanpacman chayacucta ricushpaca trillana pambamanta llucshishpami Ornanca Davidpac ñaupapi pambacaman cumurirca.

1 CRÓNICAS 21:26

Davidca chaipimi Mandac Diosman shuc altarta ruhuashpa, Diosman animalta cushpa, tucui rupachirca. Dios-huan alli tucungapacpish, animalcunata rupachishpami Diosta mañarca. Pai mañashcata uyashpami, tucui rupachina animalta churashca altarman jahua pachamanta ninata cacharca.

SALMOS 47:5

Mandac Diosca yallita cushicushpa, trompetacunapi tocashpa cantashcahuanmi huichai rirca.

EZEQUIEL 1:26

Chai pamba jahuapica, zafiro rumimanta ruhuashca mandangapac tiyarina tiyacuctami ricurcani. Chai tiyarinapica genteman ricchami tiyacurca.

EZEQUIEL 1:28

Tamya punzhacunapi cuichi puyupi ricuric shinami muyundi sumaimana achicta ricurcani. Mandac Dios sumac cashcami muscuipi shina ricurirca. Chaita ricushpaca, allpacaman cumurircanimi. Chaipica shuc rimashcatami cungailla uyarcani.

DANIEL 10:9

Chai quipaca pai rimashcatami uyarcani. Chai rimashcata uyashpaca urai singa urmashpami sueñushpa saquirishca carcani.

LEVÍTICO 9:24

Mandac Diospac ñaupamanta nina llucshimushpami, tucui rupachina animal aichatapish, altar jahuapi churashca huiratapish tucui rupachirca. Caita ricushpaca, tucui israelcunami cushicushpa, pambacaman cumurishpa, Mandac Diostaca allimari cangui nirca.

SAN MATEO 17:6

Yachacuccuna chaita uyashpaca, manchaihuanmi pambacaman cumurirca.

HEBREOS 1:3

Diospac Churimi pai jatun cashcata ricuchicun. Paica Dios shinallatacmi can. Diospac Churica tucui ima tiyashcataca, paipac poderhuanmi mandacun. Paica ñucanchic juchacunata pichashpami, jahua pacha Dios mandacuc alli maquiman tiyarigrirca.

JUECES 6:19

Shina nicpi, Gedeonca ucuman yaicushpa, shuc malta chivota yanushpa, shuc efa junda harinata japishpa levadura illac tandata ruhuarca. Chashnami aichataca shuc tazapi, caldotaca mangapi churashpa encina yura ladoman apamurca.

JUECES 6:21

Mandac Diospac angelca pai charicushca taunahuanmi aichapipish, levadura illac tandapipish tupachirca. Shina tupachicpica, nina culun nishpami aichatapish, levadura illac tandatapish tucui rupachirca. Chai quipaca Mandac Diospac angelca paipac ñaupamanta anchurircallami.