JUECES 12:8 - Dios Rimashcata Quillcashcami

⁸ Jefté huañushca quipaca Belén pueblomanta Ibzanmi israelcunataca mandarca.

JUECES 12:8 Iomraidhean Croise

GÉNESIS 15:19

Cai ceneocunapac, cenezeocunapac, cadmoneocunapac,

MIQUEAS 5:2

Mandac Diosca: «Efrata nishca Belenlla, canca Judá llacta familiapurapica tucuimanta yalli uchilla pueblomi cangui. Canmantami Israel llactata Mandacca llucshinga. Paica ñaupa huata miranacuimantami shamun» ninmi.

SAN MATEO 2:1

Judea llacta Belén pueblopimi Jesusca huacharirca. Chai punzhacunaca Herodesmi chai llactataca mandacurca. Chaipimi inti llucshina ladomanta, yachaccuna Jerusalén puebloman shamurca. Paicunaca lucerota ricushpa yachacuccunami carca.

JOSUÉ 19:15

Shinallatac Catat, Naalal, Simrón, Idala, Belén pueblocunatami japirca. Tucuica chunga ishcai pueblocunami, muyundi uchilla llactacunandi japirca.

JUECES 10:1

Abimelec huañushca quipaca Isacar aillupuramanta Fuapac churi Dodopac nieto Tolami israelcunata quishpichingapac jatarirca. Paica Efrainpac urcu Samir pueblomantami carca.

JUECES 12:7

Jefteca sucta huatatami israelcunata mandashpa Galaad pueblollapitac huañurca. Shina huañucpica, chaillapitacmi enterrarca.

JUECES 12:9

Paica quimsa chunga churita, quimsa chunga ushitami charirca. Chai ushicunataca shuctac llacta gentecunahuanmi cazarachirca. Cutin churicunamanca quimsa chunga huarmicunatami shuctac llactamanta apamurca. Ibzanca canchis huatatami juez carca.

JUECES 17:7

Judá llacta Belén pueblopimi Judá aillupuramanta shuc levita moso pozashpalla causacurca.

JUECES 19:1

Chai huatacunapica Israel llactapica jatun mandacca mana tiyarcachu. Chai huatallapitacmi Leví aillumanta shuc runaca, Efraín urcu llactata rishpa, achcata caruyashpa pozac shina causacurca. Chai runami Judá llacta Belén pueblomanta caishuc huarmihuan causacurca.

1 SAMUEL 16:1

Mandac Dios Samueltaca: —¿Saulmantaca ima horascamantac huacacugringui? Paitaca ñucami israelcunata jatun mandac cachun mana munarcani. Gachupi aceiteta jundachi. Ñucami Belén pueblopi causacuc Isaipacman cachagrini. Paipac churicunamantami shuctac jatun mandac cachun acllarcani— nirca.