JUECES 12:5 - Dios Rimashcata Quillcashcami

⁵ Chashnami Galaad gentecunaca Efraín aillucunapac Jordán yacu ladopi tiyac allpacunata japirca. Chashna japishpami Efraín aillumanta puchushca miticushpa saquiric gentecunaca: —Cai Jordán yacuta chimbaman pasachun saqui— nic carca. Shina nicpica: —¿Efrainpac aillumantachu cangui?— nic carca. Shina tapucpi mana nicpica,

JUECES 12:5 Iomraidhean Croise

1 REYES 11:26

Shinallatac Sereda llactapi causacuc efrateopuramanta Natanpac churi Jeroboampish jatun mandac Salomonta llaquichi callarircami. Jeroboamca Salomonta servicmi carca. Paipac mamaca Zerúa viuda huarmimi carca.

JOSUÉ 2:7

Chai catic runacunaca Jordán yacuman rina ñanta catishpami, chai yacu ladocaman rircacuna. Chai caticcuna llucshincami chai punguca huichcarirca.

JOSUÉ 22:11

Chaitami israelcunaca: “Rubenpac, Gadpac aillucunapish, Manasespac chaupi aillupish Canaán llacta chimba lado Jordán yacu lado israelcunapac ladopimi shuc altarta ruhuashca” nicta uyarca.

JUECES 12:4

Shina nishpami Jefteca tucui Galaad gentecunata tandachishpa, Efraín aillucunahuan macanacurca. Shina macanacushpaca Galaad gentecunami Efraín aillucunata atirca. Paicunaca: «Cai Galaad llactapi causacuc cancunaca Efraín aillumanta llucshi shamushpami, Efraín llactapac, Manasés llactapac chaupipi causacunguichic» nishca carca.

JUECES 12:6

shinashpaca: —Shibolet ni— nicmi carca. Cutin mana chai rimaita ni pudishpa: “Sibolet” nicpica, chai Jordán yacu ladollapitacmi pitinacushpa huañuchirca. Chai punzhaca Efraín aillucunaca chuscu chunga ishcai huaranga gentecunami huañurca.

JUECES 17:7

Judá llacta Belén pueblopimi Judá aillupuramanta shuc levita moso pozashpalla causacurca.

JUECES 3:28

Chaipimi Aodca paicunataca: «¡Ñucata catichiclla! Mandac Diosmi ñucanchicta piñac moabitacunata ñucanchic maquipi churashca» nirca. Shina nicpimi, Aodta catishpa rishpaca Moab puebloman rina ñan Jordán yacupi chapashpa, pita mana pasachirca.

JUECES 7:24

Chaimantami Gedeonca tucui Efrainpac urcu llactapi huillachun cachashpaca: «Madianitacunahuan tupac shamuichic. Paicuna Jordán yacu lado pambacunata Bet-bara pushtucaman manarac chayacpi japichic» nichun cacharca. Chashna tandanacushpami Efraín aillucunaca Jordán yacu lado pambacunataca Bet-bara pushtucaman japirca.

1 SAMUEL 1:1

Efraín urcupi cac Ramataim pueblopimi, zufitapuramanta Elcana runa causarca. Elcanaca Jerohampac churimi carca. Jerohamca Eliupac churimi carca. Eliuca Tohupac churimi carca. Tohuca Zufpac churimi carca. Zufca efrateopurami carca.