JUECES 12:1 - Dios Rimashcata Quillcashcami

¹ Efraín aillucunaca tandanacushpami, Jordán yacuta pasashpa Zafón pambaman chayashpa Jeftetaca: —¿Ima nishpatac amonitacunahuan macanacungapac rishpaca mana ñucanchicta cayashpa rircangui? Chaimantami huasitaca candi rupachigrinchic— nirca.

JUECES 12:1 Iomraidhean Croise

SALMOS 109:4

Paicunata ñuca cuyacpipish ñucataca piñarcacunami. Ashtahuanpish cantami mañarcani.

ECLESIASTÉS 4:4

Shinallatac achcata trabajashpa tucui imatapish alli ruhuacpica, shuccunaca envidiashpa piñac cashcatapish ricurcanimi. Shinaca alli canapish, huairata caticushca shina yangallami.

OSEAS 13:1

Efraín aillu rimaricpica, yallitami mancharic carca. Israel llactapica, alli nishcami carca. Ashtahuanpish Baal diosta mañashpa, juchallishcamantami huañurca.

MARCOS 3:24

Llactata mandaccunapura macanacucpica, chai llactaca chingaringami.

SAN JUAN 10:32

Chashna cacpipish Jesusca: —Ñuca Taitapac poderhuanmi tauca allicunata ruhuarcani. ¿Maijan ruhuashcacunamantatac rumihuan shitashun ninguichic?— nirca.

SANTIAGO 3:16

Shuccuna shina casha nishpa, quiquinlla imatapish ruhuana yuyaicuna tiyacpimi tucuilaya mana allicuna shinallatac imapish maipipish cachun ruhuarin.

JUECES 11:40

Chaimantami israelcunaca, Galaad pueblomanta Jeftepac ushita yuyarishpa tucui solteracuna cada huata chuscu punzhata huacangapac llucshincuna.

JUECES 12:2

Shina nicpimi Jefteca: —Ñucapish, ñuca gentecunapish amonitacunahuan sinchita macanacushpa cancunata cayachun cacharcanimi. Shina cachacpipish cancunaca mana ayudac shamurcanguichicchu.

JUECES 14:15

Shina cashpami ña chuscu punzha tucucpi, Sansonpac huarmitaca: —Cai imashi imashi imata nisha nicushcata cambac cusaman ima shinapish tapui. Mana cashpaca cantapish, taitapac huasi ucupuratapish rupachishunmi. Cancunaca ñucanchic charishcata quichungapacllami cayashcanguichic— nirca.

JUECES 15:6

Chaimantami filisteocunaca: —¿Pitac caitaca ruhuarcayari?— nishpa tapunacurca. Shina tapunacushpami: —Sansonmi Timnat pueblomanta runa paiman ushita mana cazarachun cushpa paipac ricsishcaman cushcamanta chashna ruhuashca— nirca. Chaimantami filisteocunaca chai huarmitapish paipac taitatapish rupachirca.

JUECES 8:1

Efraín aillucuna Gedeonta rimarishpaca: —¿Ima nishpatac madianitacunahuan macanacungapac rishpaca ñucanchicman mana huillac cacharcangui?— nirca. Shina nishpami sinchita rimarirca.