JUECES 11:40 - Dios Rimashcata Quillcashcami

⁴⁰ Chaimantami israelcunaca, Galaad pueblomanta Jeftepac ushita yuyarishpa tucui solteracuna cada huata chuscu punzhata huacangapac llucshincuna.

JUECES 11:40 Iomraidhean Croise

1 REYES 9:25

Salomonca chai huasita ruhuashpa, tucui tucuchishca quipaca, Mandac Diosman paillatac ruhuashca altar jahuapimi huatapi quimsa cutin animalcunata Diosman cushpa tucui rupachirca. Shinallatac Dios-huan alli tucungapacpish, animalcunata cushpami huañuchirca. Inciensotapish, Mandac Diospac ñaupapi tiyac altarpimi rupachirca.

2 CRÓNICAS 35:25

Jeremiasca Josías huañushcata yuyarishpami llaquilla cantota allichirca. Cantanata yachac tucui caricunapish, huarmicunapish cunan punzhacamanmi Josías huañushcata yuyarishpa huacana shimicunata cantancuna. Israelcunaca maijan huañucpipish, chai shimicunallatacmi cunan punzhacaman yuyarishpa cantancuna. Chai shimicunaca huacana shimicunata quillcashcapimi quillcashca tiyacun.

ESTER 9:27

Judá gentecunaca chai ishcai punzhacunapica paicunaman quillcashca shinallatac paicunapac huahua huahuacunamanpish, paicunapura tandanacushcamanpish, mana cungarishpa pactachingapac, shinallatac ima punzhacunapi ruhuana cashca shinallatac huatanta ruhuangapacmi ari nircacuna.

JUECES 11:39

Ishcai quilla quipa paipac taitapacman cuticpimi Diosman cusha nishcata pactachirca. Paica manarac pi carihuan chayarinacushcami huañurca.

JUECES 12:1

Efraín aillucunaca tandanacushpami, Jordán yacuta pasashpa Zafón pambaman chayashpa Jeftetaca: —¿Ima nishpatac amonitacunahuan macanacungapac rishpaca mana ñucanchicta cayashpa rircangui? Chaimantami huasitaca candi rupachigrinchic— nirca.

JUECES 5:11

Mandac Dios atishcata, huagra ubiana jundu ladopi cantacucta yuyarichicyari. Israel muyundi uchilla llactacunapi causaccunata uyaichicyari. Mandac Diosca israelcunapac pueblo pungumanmi chayamushca.