JUECES 11:39 - Dios Rimashcata Quillcashcami

³⁹ Ishcai quilla quipa paipac taitapacman cuticpimi Diosman cusha nishcata pactachirca. Paica manarac pi carihuan chayarinacushcami huañurca.

JUECES 11:39 Iomraidhean Croise

2 CRÓNICAS 35:25

Jeremiasca Josías huañushcata yuyarishpami llaquilla cantota allichirca. Cantanata yachac tucui caricunapish, huarmicunapish cunan punzhacamanmi Josías huañushcata yuyarishpa huacana shimicunata cantancuna. Israelcunaca maijan huañucpipish, chai shimicunallatacmi cunan punzhacaman yuyarishpa cantancuna. Chai shimicunaca huacana shimicunata quillcashcapimi quillcashca tiyacun.

ISAÍAS 66:3

Huagrata huañuchishpa ñucaman cushcaca shuc runata huañuchishpa cushca shinami. Ovejata huañuchishpa cushcaca allcuta huañuchishpa, cushca shinami. Ima ofrendata ñucaman cushcaca cuchi yahuarta cushca shinami. Inciensota cushnichishcaca yanga diosta mañashca shinami. Chashna paicuna quiquin munashcata ruhuashpa, millanayaita ruhuashpa shungupi cushicushcamantaca,

DEUTERONOMIO 12:31

Mandac Dios-huanca ama chashna ruhuanguichicchu. Mandac Diosca paicuna ruhuashcataca mana ricusha ninchu. Paicunapac dioscunamanca millana mana allicunatami ruhuarca. Paicunapac churicunatapish, ushicunatapish paicunapac dioscunaman cushpami rupachirca.

JUECES 11:31

ñuca macanacuita atishpa ñuca huasiman cuticpi, ñucata tupangapac llucshicca can Mandac Diospacmi canga. Paitaca canman cushpami tucui rupachisha» nirca.

JUECES 11:38

Shina nicpimi Jefteca: —Rilla— nirca. Shinami ishcai quillacunata richun saquirca. Shina saquicpimi, paica paipac ricsishca solteracunahuan urcucunata purishpa mana cazarashca huañuna cashcamanta huacarca.

JUECES 11:40

Chaimantami israelcunaca, Galaad pueblomanta Jeftepac ushita yuyarishpa tucui solteracuna cada huata chuscu punzhata huacangapac llucshincuna.

1 SAMUEL 1:11

Paica pactachishatacmi nishpami, «Tucuita Mandac Dioslla, canta servic ñuca cashna llaquihuan cacta yuyariyari. Canta servic ñucataca ama cungarishpa, ashtahuanpish ñucaman shuc cari huahuata cuiyari. Can cucpica, chai huahuataca tucui paipac causaipimi can Mandac Diosllatac servishpa causachun cusha. Shinallatac paipac acchatapish mana pitichishachu» nirca.

1 SAMUEL 1:22

Ashtahuanpish Anaca mana rishpami paipac cusataca: —Cai huahua chuchumanta raquingacaman mana rishachu. Ña raquirishca quipami cai huahuataca paipac huasipi servishpa causachun, Mandac Diosman cushpa paipac ñaupapi saquingapac risha— nirca.

1 SAMUEL 1:24

Huahuata chuchumanta raquishca quipami, Mandac Diospac huasiman Silo puebloman apamurca. Paihuanca quimsa huatata charic becitapish, ishcai chunga ishcai kilo harinatapish, shuc puñu vinotapish aparcami. Huahuaca uchillaracmi carca.

1 SAMUEL 1:28

Chaimantami cai huahuataca ñucapish Mandac Diosman cuni. Paica tucui causaipimi, Mandac Diospacta ruhuashpa causanga— nirca. Shina nishpami Mandac Diosta allimari cangui nirca.

1 SAMUEL 2:18

Samuel huambraca linomanta ruhuashca efodta churarishpami, Mandac Diospac ñaupapi Diospacta ruhuac carca.