JUECES 11:36 - Dios Rimashcata Quillcashcami

³⁶ Shina nicpimi ushica: —Ñuca taitito, cambac shimihuan Mandac Diosman ñucata cushami nishca cashpaca chashnallatac ruhuailla. Mandac Diosmi amonitacunataca canta llaquichishca shinallatac cambac maquipi churashpa llaquichishca— nirca.

JUECES 11:36 Iomraidhean Croise

2 SAMUEL 18:19

Chai quipami Sadocpac churi Ahimaasca: —Ñucanchicta piñaccunapac maquimanta Mandac Dios ima shina cacharichishcata jatun mandacman huillangapac callpagrinimi— nirca.

2 SAMUEL 18:31

Chai quipami etiope runa chayashpaca: —Ñuca jatun mandaclla, alli huillaihuanmi shamuni. Cunanmi Mandac Diosca canta llaquichisha niccunapac maquimanta quishpichishca— nirca.

2 SAMUEL 19:30

Shina nicpimi, Mefi-bosetca jatun mandactaca: —¡Allpataca tucui pai japichunlla! ¡Ñuca jatun mandac ima mana tucushpa huasiman cutimushcamantaca ñucaca cushicunimi!— nirca.

NÚMEROS 30:2

“Maijanpish Mandac Dios ñucapacta ruhuasha nishpa, mana cashpaca quiquin shimihuan ari nishpaca pactachinatacmi can. Pai imata ruhuangapac nishca shinallatacmi ruhuana can.

HECHOS 20:24

Huañuna cacpipish, ñucaca mana llaquirinichu, ashtahuancarin Dios cuyac cashcata Apunchic Jesús huillachun nishcatami huañuna punzhacaman cushicushpa pactachina cani.

HECHOS 21:13

Chashna jarcacpipish Pabloca: —¿Ima nishpatac chashna huacashpa, ñucata llaquichinguichic? Jerusalenpi huatashun nicucpipish, chaiman rishallami. Chaipi huañuchishun nicpipish, Apunchic Jesusmantaca huañushallami— nirca.

ROMANOS 16:4

Paicunaca huañunata mana manchashpami, ñucata ayudarca. Chaimantami pagui nini, ashtahuanpish caishuc cric mana israelcunapish pagui nincunami.

FILIPENSES 2:30

Paica quiquin causaita mana llaquishpa Cristopacta ruhuacushpami, huañunalla tucurca. Chashna ruhuashpaca, cancuna carupi cashcamanta mana ruhuanata pudishcatami, paica ruhuarca.

JOSUÉ 12:2

Hesbón pueblopi causac amorreocunata jatun mandac Sehonca Arnón yacu patapi tiyac Aroer pueblomantaca, chaupi Galaad llactata catishpa Jaboc yacucamanmi mandacurca. Chai yacumi amonitacunapac llactahuan lindero carca.