JUECES 11:3 - Dios Rimashcata Quillcashcami

³ Chaimantami Jefteca huauquicunamanta miticushpa Tob llactapi causagrirca. Chaipica imatapish mana ruhuashpa causac quilla gentecunami paihuan tandarishpa llucshic carca.

JUECES 11:3 Iomraidhean Croise

2 SAMUEL 10:6

Amón llactapi causaccunaca David piñashpa, mana ricunayachicushcata yachashpami, Bet-rehob pueblopi, Soba pueblopi causac ishcai chunga huaranga soldadocunata, shinallatac Maaca llactata jatun mandacpac huaranga soldadocunata, Is-tob llactamantaca chunga ishcai huaranga soldadocunata pagashpa pushamurca.

2 SAMUEL 10:8

Amón llacta runacunaca pueblo yaicuna pungupimi macanacungapac allichirirca. Cutin Soba llactamanta, Rehobmanta siriocunaca Maaca, Is-bot llactamanta soldadocunahuanmi shuctac lado pambapi macanacungapac allichirirca.

HECHOS 17:5

Chaimantami Jesusta mana cric israelcunaca piñarishpa, millai runacunata, quilla runacunata tandachishpa, chai pueblopi yalli bullata ruhuarca. Chashnami Pablota, Silasta Jasonpac huasimanta llucchishpa, gentecunapac ñaupapi juchanchinata munarca.

JUECES 11:2

Galaadpac huarmipish huahuacunata charishcami carca. Chai huahuacuna huiñashpami Jeftetaca: «Canca shuctac huarmipi tiyashca cashcamantaca mana ñucanchic taita charishcacunata japinguichu» nishpami llucchishpa cacharca.

JUECES 9:4

Paicunaca Baal-berit diosta yuyarina huasi ucumantami canchis chunga cullquita japishpa curca. Chai cullquihuanmi Abimelecca imatapish mana ruhuashpa causac quilla gentecunata pusharca.

1 SAMUEL 22:2

Shinallatac llaquichishca runacunapish, debiyuc runacunapish, shungupi llaquilla caccunapish Davidhuanmi tandarircacuna. Davidca paicunata pushacmi tucurca. Paica chuscu patsac shina runacunatami charirca.

1 SAMUEL 27:2

Shina yuyarishpami Davidca paihuan cac sucta patsac runacunandi Gat pueblota jatun mandac Maocpac churi Aquispacman rirca.