JUECES 11:21 - Dios Rimashcata Quillcashcami

²¹ Shina shamucpipish israelcunata Mandac Diosmi Sehontapish, paipac runacunatapish israelcunapac maquipi churarca. Chaimantami paicunata tucui huañuchishpa chai llactapi cac amorreocunapac allpata japirca.

JUECES 11:21 Iomraidhean Croise

2 CRÓNICAS 13:16

Israelcunaca Judá llacta soldadocunapac ñaupamantami miticushpa callparca. Shinami Mandac Diosca Judapac maquipi churarca.

2 CRÓNICAS 13:5

Israelcunata Mandac Diosca Davidman, shinallatac paipac huahua huahuacunaman israelcunata mandana huiñaipac cachun, mana shuctacyaipacta ruhuashpa, ari nishcataca, ¿manachu yachanguichic?

ÉXODO 23:31

Cambac llacta linderoca Puca Cuchamanta filisteocunapac cuchacaman, shinallatac shitashca pambamanta Eufrates yacucamanmi canga. Chai llactapi causaccunataca cancunapac maquipimi churasha. Canmi paicunataca llucchishpa cachangui.

AMÓS 2:9

Ñucami amorreocunataca paicunapac ñaupapi tucuchircani. Paicunaca cedro yura shina jatun, encina yura shina sinchimi carca. Shuc yurata pucushcandi, sapindi tucuchic shinami, paicunataca tucuchircani.

NÚMEROS 21:24

Shina cacpipish, israelcunaca espadacunahuan macashpami, Arnón yacumanta, Amón llacta Jaboc jatun yacucaman rishpa, allpata japirca. Amón llacta linderoca alli jarcashcami carca.

DEUTERONOMIO 2:32

Sehonca tucui paipac gentecunandimi ñucanchic-huan macanacungapac Jahazaman llucshirca.

JOSUÉ 6:2

Ashtahuanpish Mandac Diosca Josuetaca: «Riqui, ñucami Jericó pueblopi causaccunatapish, paicunata jatun mandactapish, paicunapac soldadocunatapish cambac maquipi churani.

JUECES 11:20

Shina mañacpipish Sehonca israelcunata mana crishpami, pasachinapac randica Jahaza pambapi soldadocunata tandachishpa israelcunahuan macanacurca.