JUECES 11:18 - Dios Rimashcata Quillcashcami

¹⁸ Quipaca shitashca pambata rishpami Edompac llactata, Moabpac llactata muyushpa inti llucshina ladota rishpa Arnón yacu cuchullapi carpata shayachishpa tiyarirca. Arnón yacu moabitacunapac llactapi cacpimi chai llactaman mana yaicushpa chaillapi tiyarirca.

JUECES 11:18 Iomraidhean Croise

NÚMEROS 20:22

Tandanacushca israelcunaca Cadesmanta llucshishpaca, Hor urcumanmi chayarca.

NÚMEROS 22:36

Balacca Balaam shamucucta yachashpami Arnón yacu chimba ladopi cac Moab llactapi cac shuc pueblopi tupangapac rirca. Chai puebloca moabitacunapac llacta tupanacuipimi carca.

DEUTERONOMIO 2:18

“Cunanllatacmi Ar allpaman Moab llactata pasangui.

DEUTERONOMIO 2:24

Mandac Diosca: “Cunanca jatarishpa, jatun yacu Arnonta pasaichic. Riqui, amorreocuna causana Hesbón llactata jatun mandac Sehontaca pai mandana llactacunandimi cancunapac maquipi churani. Paicunapac llactaman yaicushpa, chai allpata quichui callarichic.

DEUTERONOMIO 2:9

Chaipimi Mandac Diosca: “Moabpi causaccunataca ama piñachinguichicchu, ama macanacunguichicchu. Chai llactataca ashallatapish mana cushachu. Ashtahuanpish Ar allpataca Lotpac churicunamanmi cusha” nirca.