JUECES 11:16 - Dios Rimashcata Quillcashcami

¹⁶ Chaica israelcuna Egipto llactamanta llucshishpaca shitashca pambatami Puca Cuchata pasashpa, Cades puebloman chayarca.

JUECES 11:16 Iomraidhean Croise

GÉNESIS 14:7

Paicunaca En-mispat nishca Cades llactamanmi catirca. Chashna cutishpami, amalecitacuna causana llactatapish, Hazezon-tamarpi causac amorreocunatapish tucuchirca.

NÚMEROS 13:26

Shina cutimushpaca, Paranpi cac Cades shitashca pambapi Moisespish, Aaronpish, tucui israelcunapish cacpimi chayamurca. Chaipimi paicunamanpish, tucui israelcunamanpish ima shina cashcata tucui huillarca. Shinallatac chai llactapi pucushcacunatapish ricuchishpami,

NÚMEROS 14:25

Cunanca amalecitacuna, cananeocunami cancunapac chimbapura pambapica causan. Cayaca cutishpa, shitashca pambata rishpa, Puca Cuchaman ringuichic— nirca.

NÚMEROS 20:1

Tandanacushca israelcunaca callari quillapimi Zin shitashca pambaman chayashpa, Cadespi tiyarirca. Moisespac pani Mariaca chaipimi huañurca. Chashna huañucpica, chaillapitacmi enterrarca.

NÚMEROS 20:4

Cai shitashca pambapi ñucanchicpish, ñucanchic animalcunapish huañuchunca, ¿imapactac Mandac Dios acllashca israelcunataca apamurcangui?

DEUTERONOMIO 1:40

Ashtahuanpish cancunaca Puca Cuchaman rina ñanta japishpa, shitashca pambaman cuti richiclla” nircani.

DEUTERONOMIO 1:46

Chaimantami cancunaca Cadespica unaita causarcanguichic.

JOSUÉ 5:6

Israelcunaca chuscu chunga huatatami Egiptomanta llucshimushca macanacuc caricuna tucuringacaman shitashca pambata purirca. Chai caricunaca Mandac Dios rimashcata mana cazushcamantami chashna tucurirca. Mandac Diosmi lechepish, mishquipish yacu shina callpacuc llactata cungapac cancunapac ñaupa taitacunaman ari nishca carca.

JUECES 11:15

Paicunataca: —Jefteca: “Israelcunaca moabitacunapac shinallatac amonitacunapac llactataca mana japishcachu.